Batys Qazaqstan oblysynda qora-qopsyǵa qosa 8 tonna pishen, mal órtenip ketti, dep habarlaidy "Ult aqparat".
BQO TJ departamenti «Órt sóndirý jáne avariialyq qutqarý jumystary qyzmeti» MM málim etkenindei, oqiǵa 7 jeltoqsan kúni Terekti aýdany Aqsoǵym aýylynda boldy.
Saǵat 11.37-de Jeńis kóshesindegi jeke turǵyn úidiń aýlasynda ornalasqan sharýashylyq nysanynyń órtenip jatqany jóninde habar túsken.
Aýmaǵy 40 sharshy metrdi qamtyǵan órtten 8 tonna pishen kúlge ainaldy. Oǵan qosa 1 bas iri qara men buzaý, 20 úi qusy otqa orandy.
«Tilsiz jaý» saǵat 16.10-da oqshaýlanyp, 17.51-de tolyqtai joiyldy.
Qazirgi kezde órttiń shyǵý sebebi, keltirilgen shyǵyn anyqtalý ústinde.
