Batys Qazaqstan oblysynda 70-ten astam adamdy aldaǵan «SWEET MONEY» qarjy piramidasy QR QK 217-babyna sáikes tergelýde, dep habarlaidy "Ult aqparat".
BQO boiynsha ekonomikalyq tergeý departamenti málim etkenindei, atalǵan qarjylyq piramidany uiymdastyrýshylar «WhatsApp» messendjeri arqyly qarjy tartqan.
Joba shartymen keliskender «Kaspi Gold» bank kartasyna aqsha salyp, alty kúnnen keiin salym somasynyń 50-70 paiyzyn syiaqy esebinde alýǵa tiis bolǵan. Qarjy piramidasynyń qurylymyna sáikes qarajat salymshylarǵa jańa qatysýlar salǵan aqsha esebinen bólinedi. Ádette piramida qurýshy qomaqty qarajat jinap alǵannan keiin tólemderdi toqtatady jáne barlyq aqshamen iz-túzsiz joǵalady.
«Aldanǵandar salǵan qarjy kólemi ár túrli. Keibireýler 200 myń teńgesinen aiyrylsa, bireýler 5 myń teńge salǵan. Eger «SWEET MONEY» zergerlik salonynyń osyndai áreketterinen basqa da ziian shekkender bolsa, departamenttiń +7 (7112) 53-84-27 senim telefonyna qońyraý shalǵany jón», dep habarlady vedomstvodan.
