Batys Qazaqstan oblysynda Jeńistiń 75 jyldyǵyna orai soǵys ardagerlerine 1 mln teńgeden birjolǵy materialdyq kómek beriledi. Bul týraly oblys ákiminiń orynbasary Serik Egizbaev málim etti, dep habarlaidy "Ult aqparat".
Ákim orynbasarynyń aitýynsha, Ekinshi dúniejúzilik soǵysqa qatysqan 62 ardagerdiń 48-i Oral qalasynda, 14-i aýdandarda turady.
Sonymen qatar oblysta 5831 tyl eńbekkeri bar.
Úkimet sheshimine sáikes biýdjetten sondai-aq qaitys bolǵan maidangerlerdiń jubailaryna – 30 myń teńge, kontslager tutqyndary men Leningrad qorshaýynda bolǵandarǵa – 100 myń teńge, tyl ardagerlerine – 30 myń teńge, erikti jasaqtar qatysýshylaryna 120 myń teńge kóleminde birjolǵy járdem kórsetiledi.
7 mamyr – Otan qorǵaýshylar kúnine orai oblystyq telearnalarda arnaiy telejobalar men taqyryptyq baǵdarlamalar daiyndalyp, sondai-aq kórkem jáne derekti filmder kórsetiledi.
8 mamyr kúni Halyq qaharmany Hiýaz Dospanova oqyǵan keshki mektepte eskertkish taqta ashylady.
«Jeńis kúnine orai ardagerlerdi qurmetteý maqsatynda birqatar is-sharalar josparlandy. Oraldaǵy bes eskertkishke gúl shoqtary qoiylǵannan keiin Jeńis alańynda úsh shara bastaý alady. Atap aitqanda, 50 sportshynyń qatysýymen velosherý bolady. Toǵyz top soǵys jáne eńbek ardagerlerin quttyqtaýǵa barsa, Jaiyq ózeni arqyly katerler saltanatpen júzip ótedi. Máńgilik alaý janynda úrmeli aspaptar orkestriniń súiemeldeýimen maidan ánderi oryndalady. Osyndai is-sharalar aýdan ortalyqtary men aýyldyq okrýgterde de uiymdastyrylady», - dedi S.Egizbaev.
