Batys Qazaqstan oblysynda 14190 adam koronavirýsqa qarsy vaktsinanyń birinshi komponentin saldyrdy, dep habarlaidy "Ult aqparat".
BQO densaýlyq saqtaý basqarmasy málim etkenindei, sonyń 4696-sy – meditsina qyzmetkerleri, 2867-si – pedagogtar, 1280-i –quqyq qorǵaý organdarynyń ókilderi, 5347-si –basqa sala adamdary.
Oǵan qosa 3459 adam vaktsinanyń ekinshi komponentin aldy.
Ekpe naýqany bastalǵannan beri oblysqa 34300 doza vaktsina jetkizilse, sonyń 24150-i – birinshi, 10150-i – ekinshi komponent.
9 sáýirde ákelingen 14 myń doza (I komponent) óńirdegi meditsina uiymdaryna bólinip berildi. Turǵyndardy kóbirek qamtý maqsatynda egý kabinetteri demalys kúnderi de jumys isteitin boldy. Atap aitqanda, 9 sáýirde – 1175, 10-y kúni – 1935, keshe 930 adam ekpe saldyrdy.
Kúni búginge deiin sońǵy túsken vaktsinamen 4040 adam (28,8 paiyz) egildi.
Aldyn ala málimet boiynsha osy aida taǵy da 35 myń doza vaktsina óńirge jetkizilmek.
