باتىس قازاقستان وبلىسىندا 14190 ادام كوروناۆيرۋسقا قارسى ۆاكتسينانىڭ بٸرٸنشٸ كومپونەنتٸن سالدىردى, دەپ حابارلايدى "ۇلت اقپارات".
بقو دەنساۋلىق ساقتاۋ باسقارماسى مەلٸم ەتكەنٸندەي, سونىڭ 4696-سى – مەديتسينا قىزمەتكەرلەرٸ, 2867-سٸ – پەداگوگتار, 1280-ٸ –قۇقىق قورعاۋ ورگاندارىنىڭ ٶكٸلدەرٸ, 5347-سٸ –باسقا سالا ادامدارى.
وعان قوسا 3459 ادام ۆاكتسينانىڭ ەكٸنشٸ كومپونەنتٸن الدى.
ەكپە ناۋقانى باستالعاننان بەرٸ وبلىسقا 34300 دوزا ۆاكتسينا جەتكٸزٸلسە, سونىڭ 24150-ٸ – بٸرٸنشٸ, 10150-ٸ – ەكٸنشٸ كومپونەنت.
9 سەۋٸردە ەكەلٸنگەن 14 مىڭ دوزا (ٸ كومپونەنت) ٶڭٸردەگٸ مەديتسينا ۇيىمدارىنا بٶلٸنٸپ بەرٸلدٸ. تۇرعىنداردى كٶبٸرەك قامتۋ ماقساتىندا ەگۋ كابينەتتەرٸ دەمالىس كٷندەرٸ دە جۇمىس ٸستەيتٸن بولدى. اتاپ ايتقاندا, 9 سەۋٸردە – 1175, 10-ى كٷنٸ – 1935, كەشە 930 ادام ەكپە سالدىردى.
كٷنٸ بٷگٸنگە دەيٸن سوڭعى تٷسكەن ۆاكتسينامەن 4040 ادام (28,8 پايىز) ەگٸلدٸ.
الدىن الا مەلٸمەت بويىنشا وسى ايدا تاعى دا 35 مىڭ دوزا ۆاكتسينا ٶڭٸرگە جەتكٸزٸلمەك.
