Prezident tapsyrmasy boiynsha Batys Qazaqstan oblysynda sońǵy úsh jylda 1 mln astam gektar paidalanylmaityn aýyl sharýashylyǵy jerleri anyqtaldy. Bul týraly Memleket basshysynyń Joldaýy aiasynda BQO damýy týraly ótken brifingide oblys ákimi Ǵali Esqaliev málim etti, dep habarlaidy QazAqparat.
Ákimniń aitýynsha, qazirgi kezde sol jerlerdiń 57 paiyzy igerilýde. 16 paiyzy memleketke qaitaryldy. Al 27 paiyzy boiynsha qaitarý jumystary júrgizilýde.
Bul jumystar memlekettiń qoldaý sharalarymen qatar oblystyń mal sharýashylyǵyn damytýǵa septigin tigizýde.
Atap aitqanda, jyl saiyn mal basy ósip keledi. Mysaly, biylǵy on aida iri qara 9,6, jylqy 12,2, qoi men eshki 1,5 paiyzǵa kóbeidi.
Biyl úsh bordaqylaý alańy iske qosylyp, óńirdegi bordaqylaý alańdarynyń jalpy syiymdylyǵy 28 myńnan 35 myńnan basqa deiin jetpekshi. Al 2025 jylǵa deiin taǵy da 20 myń basqa arttyrý kózdelýde.
«Óńir ekonomikasy men aýyl sharýashylyǵynyń odan ári damýy sýǵa táýeldi bolyp otyr. Biyl Úkimettiń qoldaýy arqasynda óńirdiń ońtústik-batys aýdandary úshin Reseiden jetkiziletin sý kólemi 2019 jylǵydan 2 esege kóbeitildi. Uzyndyǵy 185,6 shaqyrymdy quraityn 3 magistral kanaldy qaita jańǵyrtý jumystary bastaldy, bul Jaiyq ózeniniń sol jaq jaǵalaýynda 350 myń gektarǵa deiin jaiylymdy aýyl sharýashylyǵy ainalymyna engizýge múmkindik beredi. Búginde 65 mln tekshe metrge Kirov sý qoimasyn qaita jańǵyrtý jumystaryn bastadyq, sondai-aq 40 mln tekshe metrge taǵy 2 sý qoimasyn salýǵa jobalar daiyndalýda. Osy jyly 6 myń gektarǵa deiin sýarmaly jerler engizip, 2026 jylǵa deiin 50 myń gektarǵa deiin jetkizemiz», dedi óńir basshysy.
