BQO ákiminiń ókimimen jáne QR Prezidenti Ákimshiliginiń kelisimimen Berik Bataev oblys ákimi apparatynyń basshysy bolyp taǵaiyndaldy, dep habarlaidy "Ult aqparat".
Oblys ákiminiń baspasóz qyzmeti málim etkenindei, Berik Ádilgereiuly 1967 jyly BQO-nyń Qaratóbe aýdanynda dúniege kelgen.
Qazaq memlekettik basqarý akademiiasyn ekonomist mamandyǵy boiynsha bitirgen.
Ár jyldary Qaratóbe aýdandyq memlekettik saqtandyrý inspektsiiasynyń ekonomisi, Almaty qalasy, «TuranÁlemBank» JAQ, «Úmit» zeinetaqy jinaqtaý qory» JAQ-da túrli laýazymda, BQO kásipkerlikti qoldaý jáne damytý departamentiniń direktory, Zelenov aýdanynyń ákimi, Aqmola oblysy, Kókshetaý qalasy kásipkerlik jáne ónerkásip departamentiniń direktory, Mańǵystaý oblysy, Qaraqiia aýdanynyń ákimi, QR Prezidenti Ákimshiligi áleýmettik-ekonomikalyq bóliminiń meńgerýshisi boldy.
2019 jyldan bastap QR Prezidenti Ákimshiliginiń memlekettik inspektory qyzmetin atqardy.
