Kásipkerler palatasynda suranysqa ie jobalardyń biri – «Biznes-keńesshi» oqý kýrsy.
Ótken jyldyń ózinde «Biznes-keńesshiniń» aiasynda 800 adamdy oqytý mindettemesin alsaq ta, is júzinde 1555 qyzylordalyqty oqytyp shyqtyq.
Jyl bastalǵaly 1773 azamat oqytyldy. Onyń ishinde 758 qyzylordalyq oblystyq ákimdik jariialaǵan innovatsiialyq jobalarǵa arnalǵan granttarǵa qatysýshylar. Qazirdiń ózinde 1600 adam «Biznes-keńesshini» oqýǵa kezekte tur.
«Biznes-keńesshini» oqyǵan azamattar arasynda biylǵy jyldyń 6 aiynda 244 azamattyń jalpy quny 364,2 mln.teńgeni quraityn jobalary qarjylandyryldy.
«Biznes-keńesshi» oqý kýrsyna qatysýshylardyń biri Shaýteeva Janar. Janardyń qoldan syilyq jasaý (handmade) jeke hobbii bolatyn. Ol jubaiymen birge halyqqa erekshe syilyqtar usynýdy oilastyryp, fanerden lazermen árleý arqyly jasalǵan túrli buiymdar shyǵara bastaidy.
Halyqtyń suranysyn baiqaǵan Janar qyzyǵýshylyǵyn kásipke ainaldyrýdy oilaidy. Kásipkerler palatasynda «Biznes-keńesshi» oqý kýrsyna qatysyp, kásipkerlik álemine baǵyt alǵan olr óz ideiasyn innovatsiialyq grantqa usyndy. Nátijesinde grant iegeri atanyp, berilgen qarajatqa osy buiymdardy jasap shyǵarýǵa qajetti qural-jabdyqtar satyp aldy. Qazirgi ýaqytta túrli ulttyq kórmelerge qatysyp, óz buiymdaryn usynyp júrgen jas kásipker memlekettiń berip jatqan kómegine dán riza.
«Biz eń aldymen óz kózqarasymyzdy ózgertýimiz kerek eken. Jaqsy oilar nátijeli jumystyń negizi bolatynyna kózim jetti. Osy hobbimen ainalysyp júrgende memleketten kómek alýǵa bolady degenge esh senbeitin edim. «Biznes-keńesshi» kýrsyna qatysyp, kásipkerlik negizderi týraly aqparat aldym. Sodan keiin qyzyǵýshylyǵymdy kásipke ainaldyrý maqsatynda jobamdy innovatsiialyq grantqa usyndym. Grant iegeri atanǵanyma qýanyshtymyn», - deidi Shaýteeva Janar.
Dostar, erekshe syilyqtar álemine úńilgińiz kelse @podar_ok_kz insta paraqshasyn qarańyz. Sizdi qýantatyn syilyqty osy jerden taba alasyz.
