QR Premer-Ministri Asqar Maminniń tóraǵalyǵymen ótken QR Úkimetiniń selektorlyq otyrysynda QR Prezidentiniń «Cyndarly qoǵamdyq dialog – Qazaqstannyń turaqtylyǵy men órkendeýiniń negizi» Joldaýyn iske asyrý jónindegi Jalpyulttyq is-sharalar josparynyń jobasy qabyldandy, dep habarlaidy "Ult aqparat".
Qujat 81 tarmaqtan turady, onyń ishinde myna baǵyttar boiynsha: zaman talabyna sai tiimdi memleket – 11 tarmaq, azamattardyń quqyqtary men qaýipsizdigin qamtamasyz etý – 15 tarmaq, qarqyndy damyǵan jáne inkliýzivti ekonomika – 27 tarmaq, áleýmettik jańǵyrýdyń jańa kezeńi – 18 tarmaq, qýatty óńirler — qýatty el – 10 tarmaq.
«Prezident óz Joldaýynda negizgi bes baǵyt boiynsha basty mindetterdi belgilep berdi. Memleket basshysynyń Joldaýyn iske asyrý jónindegi jdalpyulttyq is-sharalardyń usynylyp otyrǵan jospary berilgen tapsyrmalar negizinde daiyndaldy.
Barlyq memlekettik organdar men ákimdikter atalǵan qujatty Prezident maquldaǵannan keiin birden alǵa qoiylǵan mindetterdi oryndaýdy bastaýy kerek. Biz alǵa qoiylǵan mindetterdi tiimdi sheshý boiynsha úilesken jumysty qamtamasyz etýimiz qajet.
Bizden naqty nátije kútilýde. Ulttyq ekonomika ministrligine Premer-Ministrdiń keńsesimen birlesip, maquldanǵan qujattardy Memleket basshysynyń bekitýi úshin Prezident ákimshiligine shuǵyl engizýdi tapsyramyn», — dedi A. Mamin.
Memleket basshysynyń Joldaýyn iske asyrý jónindegi Jalpyulttyq is-sharalar josparynyń qabyldanǵan jobasy QR Prezidenti Q. Toqaevqa bekitýge jiberiledi.
