Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin maining salasyn zańdastyrý qalai iske asatynyn aitty, dep habarlaidy QazAqparat.
«Biz - maining salasyn zańdastyrýǵa baǵyt alǵan elmiz. Biraq ony zańdastyryp, kásipkerlik qyzmet retinde tirkelýge kompaniialar asa qulyqty emes. Mainingpen ainalysyp júrgenimen, kóleńkeli aimaqta júrgen kompaniialar bar. Olar elektr energiiasyn paidalanyp otyr. Biraq jasyryn jumys isteidi. Sondyqtan, 1 kVt energiia úshin 1 teńge degen baǵa belgilegen bolatynbyz. Ondaǵy maqsatymyz – atalǵan kompaniialardy kóleńkeden shyǵarý», - dedi ministr halyq aldyndaǵy eseptik kezdesýinde.
Vedomstvo basshysy elimizde maining salasy qazir qatty damyp jatqanymen, salyq tólep jatqan eshkim joq ekenin eskertti.
«Maining salasy qazir qatty damyp jatqanymen, onyń qosylǵan qunyn siz de, men de sezinip otyrǵan joqpyz. Óitkeni salyq tólep otyrǵan joq. Bul salada «myńdaǵan adamnyń jumys istep jatqanyn» kórip otyrǵan joqpyz. Biraq, investitsiialar kelip jatyr. Atalǵan investitsiialar árbir qazaqstandyqtyń igiligine jumys isteýi úshin úsh nárseni jasaý kerek bolǵan.
Birinshiden, barlyq maining firmalardy zańdastyrypý kerek edi. Ekinshiden, kriptoindýstriianyń barlyq tabysy maining salasynan túsip jatyr. Bitkoindi osynda jasaǵanymen, shetelde satady. Budan bólek kriptobirja bar. Osy birjalardy damytsaq, tabys ulǵaiar edi», - deidi Baǵdat Mýsin.
Ol, sondai-aq, maining óndirisinde tabysy az bolǵanymen, iri kriptobirja quryp, sodan kólemdi salyq alyp otyrǵan elderdi mysalǵa keltirdi.
«Biz eki baǵytta jumys istep jatyrmyz. Birinshi kezekte barlyq maining firmalardy kóleńkeden shyǵaramyz. Eger bul firmalar Astana Hub mekemesinde tirkelse, 20 paiyzdyq korporativtik tabys salyǵynan bosatylady. Al qazir 1 kVT úshin belgilep otyrǵan 1 teńge – simvoldyq tólem ǵana. Elektr energiiasyn óndirýshiler maining firmalaryna qýat bergenimizben, qaitarymy joq ekenin aitýda. Mainerler bul simvoldyq tólem biz kóleńkeden shyqqanan keiin 10 teńge bolyp ketpei me dep qorqýy múmkin. Men naqty aitamyn, ondai kúrt ósim bolmaidy», - dep snedirdi ministr.
Baǵdat Mýsin kriptobirjany zańdastyrý jobasyn Ulttyq bank te maquldaǵanyn atady.
«Astana halyqaralyq qarjy ortalyǵynyń bazasynda kriptobirja qurý múmkindigin jasaimyz. Osydan keiin tolyq sheńber paida bolady. Bitkoindy osy elde óndirgender bizdiń birja arqyly satatyn bolady. Osylaisha kriptobirjadaǵy saýdadan salyq alamyz. Iaǵni, Qazaqstan kriptobirjadan tabys tabýǵa nietti. Mainigke 1 kVT-qa 1 teńge tólem bekitý asa bir tabys ákelmeidi. 5 mlrd teńgeniń ar jaq-ber jaǵynda túsim bolýy múmkin. Sondyqtan biz kriptobirjany zańdastyrýǵa kúsh salamyz. Osynda óndirilgen kriptovaliýtalar bizdiń birja arqyly satylýy kerek. Ol úshin Astana halyqaralyq qarjy ortalyǵynyń alańy dainy tur. Atalǵan orataly o basta osyndai jobalardy iske asyrýǵa arnap ashylǵan bolatyn», - dedi Tsifrlyq damý, innovatsiialar jáne aeroǵarysh ónerkásibi ministri.
