Osy bizde nege bir zańǵa bir zań qaishy?! Nege bizdiń ministrlik Elbasynyń aitqanynyń ózin amaldap keri oryndaýǵa tyrysady?
Ótken jyly dúnie júzilik qazaq quryltaiynda Elbasy shetelde keletin qazaq jastarynyń oqýǵa túsýine arnalǵan 2 % dyq kvotany arttyrýdy tapsyrdy. Ministrlik ótken jyly sol kvotany 4% ǵa kóterdi. Rahmet aityp bárimiz qýandyq. Sebebi, shetten kelgen bir qazaq bolsa da osynda alyp qalý, bilimdi jastardyń sanyn arttyrý.
Resei sheteldegi orystaryna neshe on myń grantty Qazaqstannyń mektepterin aralap júrip taratyp júr, kerek bolsa bizde sol qadamǵa barýymyz kerek!
Biraq, ókinishke bakalavrdaǵy kvotany kóbeitken ministrlik magistratýra men doktorantýraǵa bólinetin grantqa sheteldik azamat qol jetkize almaidy, - degen bapty engizgende sheteldegi etnikalyq qazaqtardy múlde eskermegen. Dál osy shalaǵailyq kesirinen shetten bakalavr bitirip kelgen qanshama qazaq jastary eki kúnnen beri ýniversitetterdi jaǵalap qujattaryn ótkize almai júr, sebebi, qolynda yqtiiar hat bolsa da sheteldikter esebinde bolǵandyqtan memlekettik grant olarǵa berilmeidi. Tipti olardyń azamattyǵy tamyz aiynda daiyn bolatyn bolsa da, iemdene almaidy. Bul ne masqara?
Keshe Eýraziia ulttyq ýniversitettiń qabyldaý komissiiasyna kirdim osy másele boiynsha. estigenim jalǵyz jaýap, qolynda yqtiiar hat, oralman kýáligi bolsa da, magistratýra men doktorantýra grantyn ala almaidy. Sebebi, ol shetel azamaty. Nege? yqtiiar haty men oralman kýáligi bar qazaq Qazaqstan azamatymen tek dárejede ǵoi, onyń ústine bári azamattyqqa tapsyryp qoiǵan, tek azamattyq kýálikteriniń shyǵýyn kútip júrgen qazaqtar desem ZAŃ SOLAI, men eshteme bilmeimin, ministrlikke ait deidi. Al, ministrlikke keshe hat jazdym jaýap joq:
Biz sonda eline kelgen, joǵary bilimi bar qazaqtardy da ózekke tebemiz ba, sen bótensiń, shetel azamatysyń dep?
Qurmetti, Erlan Saǵadiev jáne onyń komandasy, sizderge elimizdiń kóshi qon týraly zańy men sheteldegi etnikalyq qazaqtarǵa bailanysty qujattardy qaita oqyp, myna shala sharpy bekitilgen zańdaryńyzdy tez arada túzetýdi suraimyn. Erim deitin el bolmasa, elim deitin er qaidan týady? Biz qazaqtardyń quqyn shektemeiik!
Aiatjan Ahmetjanulynyń feisbýktegi jazbasynan
