Elbasy Nursultan Nazarbaevtyń «Bolashaqqa baǵdar: rýhani jańǵyrý» atty baǵdarlamalyq maqalasy jyl basynda Qazaqstan halqyna arnaǵan «Qazaqstannyń Úshinshi jańǵyrýy: jahandyq básekege qabilettilik» atty Joldaýynyń jalǵasy ispetti. Memleket basshysy Joldaýda Qazaqstandy jahandyq básekege qabiletti, damyǵan memleket retinde qalyptastyrý baǵytynda atqarylatyn jumystardyń barysyn qamti otyryp osy maqsatqa jetý úshin sanamyzdyń isimizden ozyp júrýi kerek ekendigine toqtalady.
Aita keteiik, Nursultan Ábishuly táýelsizdiktiń alǵashqy jyldarynan bastap-aq zamanaýi baǵytta bilim berýdi damytýdyń eń aýqymdy jobasy retinde «Bolashaq» baǵdarlamasyn júzege asyryp, Nazarbaev ziiatkerlik mektepteri men Nazarbaev ýniversitetin ashýdy qolǵa aldy. Tabysty bolýdyń basty faktory bilim ekenin jastarymyzǵa tereń túsindirip, basymdyq beretin máselelerdiń qatarynda bul salanyń árdaiym birinshi orynda turý kerektigin uǵyndyryp keledi.
«Máńgilik El» ideiasyn júzege asyrý jolynda Qazaqstannyń árbir azamaty bar yqylasymen, bilim-biliktiligimen bilek sybana eńbek etýi tiis. Prezidentimizdiń «Bolashaqta ómir súretin, eńbek etetin, el tutqasyn ustaityn – búgingi mektep oqýshylary. Olardy muǵalimder qalai tárbielese, Qazaqstannyń deńgeii dál sol dárejede bolady» degen sózi ustazdarǵa qoiylatyn talaptyń qanshalyqty salmaqty ekenin kórsetedi. Rasynda da, biz ult bolashaǵyn, elimizdiń keleshegi jas urpaqty tárbielep otyrǵanymyzdy umytpaýǵa tiispiz. Degenmen, ata-ana otbasynyń basty qazyǵy, dińgegi sanalatyn balaǵa salt-dástúrimizge sai ulttyq tálim-tárbie berýde birinshi kezekte ózderi úlgi bola bilýi qajet. Bul – ómir talaby.
Elbasy baǵdarlamalyq maqalasynda «Búgingi jańa ataýly erteń-aq eskige ainalatyn júrisi jyldam dáýirge aiaq bastyq. Bul jaǵdaida kásibin neǵurlym qinalmai, jeńil ózgertýge qabiletti, asa bilimdar adamdar ǵana tabysqa jetedi» dep jeńiske jetýdiń jolyn kórsetip otyr. Mine, sondyqtan da óskeleń urpaqqa oń baǵyt berip, olardyń bilim men ǵylymǵa degen qyzyǵýshylyqtaryn oiatýda ata-ana men muǵalimge júkteler mindet qashan da jaýapty ekenin sezgendeimiz.
Raýshan ÁLMAHANQYZY,
№75 mektep-gimnaziianyń direktory,
Shymkent qalasy
