LRT qurylysynyń jalǵastyrylýy jáne onyń ońtailandyrylǵan shyǵyndary týraly.
LRT-nyń birinshi nusqasy bizge 2,6 mlrd dollarǵa shyqqan edi. Ońtailanǵan shyǵyny - 1,5 mlrd. Bul qysqartý negizinen:
- qaryz merzimi 20 jyldan 5 jylǵa deiin qysqartý esebinen alyndy. Tiisinshe paiyzdardyń tóleý kerek sany da azaidy.
⁃ jyljymaly kólikterdi 19-dan 12-ge deiin qysqartý, aialdama stantsiialaryn 18-den 11-ge deiin qysqartý, jer asty jáne jaiaý júrginshiler ótkelderin qysqartý esebinen alyndy.
Endi osy másele boiynsha meniń oi-pikirim.
Birinshiden, isin jańa bastaǵan kez kelgen qarjyger nesie boiynsha paiyzdardy tólemei, basqa shottaryn, sonymen qatar óz shot kózderin paidalansa, bul múldem tegin aqsha bar degendi bildirmeitinin túsinedi. Bul - taza sheneýnik tásili. Aqsha - árqashan quny bolatyn sýbstantsiia. Bul jai ǵana siz qytailyqtarǵa tólemeitin aqshany basqa bireýge tóleisiz degendi bildiredi. Tiisinshe, shyǵyndar 800 mln. dollarǵa qysqarǵan joq. Tek siz bul shyǵyndardy basqa orynǵa aýystyrdyńyz. Is júzinde, biýdjet basqa jerde 600-800 mln.dollar kóleminde jetpeitin bolady.
Ekinshiden, eger siz qozǵalmaly quramdy, stantsiialardy, jer asty jáne jaiaý júrginshiler ótkelderin 40% - ǵa qysqartsańyz, bul bastapqyda siz bárin durys josparlamaǵanyńyzdy bildiredi. Tiisinshe, nege siz dál qazir durys josparlap otyrmyz dep oilai alasyzdar? Nege 60,70% emes, 40% - ǵa qysqartý boldy?
Men, tipti, qazir 1.5 + 800 mln nemese 2.3 mlrd dollarǵa tolyq joba emes, múgedek sekildi jobany alatynymyzdy aitqym da kelmeidi. Sonda LRT shynaiy shyǵyny tek qana 300-450 mln.dollarǵa nemese 13-15 % qysqartylsa, fýnktsionaly 40% qysqartylyp otyr.
Nátijesinde, qymbat 2,6 mlrd. dollarlyq, biraq tolyqqandy LRT ornyna biz qymbat 2,3 mlrd.dollarlyq tolyq qyzmet kórsete almaityn jobany kóremiz.
Onysymen qoimai, Astanada bul jobany aqtap shyǵaratyn adam aǵyny joqtyǵyn eskeretin bolsaq, bul - barlyq 2.5 mlrd dollardy kóptegen áleýmettik mańyzy bar máselelerdi sheshýge emes, dalaǵa shashýmen teń ekenin túsinemiz.
Marǵulan Seisembaidyń facebook paraqshasynan
