Astanalyq jastar bastaǵan «Biz birgemiz» aktsiiasyn odan ári jalǵastyrý maqsatynda ziialy qaýym ókilderi men memlekettik qyzmetkerler Qalamgerler alleiasyn qardan tazartty, dep habarlaidy "Ult aqparat" ákimdiktiń saityna silteme jasap.
Memleket basshysy qoldaǵan «Biz birgemiz» aktsiiasyna ziialylar, memlekettik qyzmetkerlerden quralǵan 100-den astam adam qatysty. Nesipbek Ait, Ǵarifolla Esim, Orazkúl Asanǵazy, Marat Ábsemetov, Amanjol Áltaev, Bekjan Ábdýáliuly syndy ǵalymdar, qoǵam qairatkerleri jáne taǵy basqa el ziialylary Qalamgerler alleiasyn qalyń qardan tazalaý jumystaryna qatysty.
Sonymen qatar, aktsiiaǵa Tilderdi damytý jáne arhiv isi basqarmasy jáne oǵan qarasty «Memlekettik arhivi» MM, «Rýhaniiat» MKM-niń ujymdary da úles qosty.
«Prezidenttiń «Biz birgemiz» degen bastamasy bizge, qala jurtshylyǵyna úlken serpin týdyrdy. Qazaq qiynshylyqta da, qýanyshta da birge bolǵan. Tabiǵat minez kórsetpei turmaidy. Sondyqtan jigerli jastar, aǵa býyn bastap, qalamyzdy tazalaýǵa atsalysyp jatyrmyz», - dedi belgili aqyn Nesipbek Aituly.
