Nur-Sultanda «Biz birgemiz» aktsiiasy jalǵasyp jatyr. Volonterler álemettik jaǵdaiy tómen jáne kóp balaly otbasylarǵa, sondai-aq múmkindigi shekteýli jandarǵa azyq-túlik sebetterin jetkizýde, dep habarlaidy "Ult aqparat" elorda ákimdiginiń resmi saityna silteme jasap.
«Bizde kún saiyn shamamen 20-30 mekenjai josparlanady. Biz muqtajdarǵa azyq-túlik qana emes, gigienalyq quraldar – dymqyl mailyqtar, maska men antiseptik te jetkizip beremiz», - deidi erikti Ál-Farabi Aimaq.
Búgin Nur-Sultan qalasy ákiminiń keńesshisi Dáýren Babamuratov áleýmettik jaǵdaiy tómen jáne múgedek jandardy baǵyp otyrǵan otbasylarǵa 50 sebet jetkizilgenin atap ótti. Azyq-túlik sebetteri demeýshiler kómegimen daiyndalǵan.
«Biz birgemiz» aktsiiasy aiasynda Nur-Sultan qalasyndaǵy áleýmettik jaǵdaiy tómen otbasylarǵa azyq-túlik sebetin jetkizý jumysy jalǵasyp jatyr. Bizdiń volonterler karantin kezinde barlyq saqtyq sharalaryn saqtai otyryp (úige kirmei, sebetterdi úi syrtynda qaldyra otyryp), jumysty jalǵastyrady», - deidi Dáýren Babamuratov.
Elorda turǵyndary qala ákimdigi men eriktilerge kórsetken kómegi úshin alǵys aitty.
