Aziia birige alady. Bul týraly búgin elordada ótip jatqan Aziia elderi qalamgerleriniń tuńǵysh forýmynda Qazaqstan Prezidenti Qasym-Jomart Toqaev aitty, dep habarlaidy QazAqparat.
«Aziia bir kezderi aiyrylyp qala jazdaǵan mádeni, tarihi qatynastaryn qalpyna keltirýde. 20 ǵasyrda 2 júieniń teketiresi Aziiany da ekige bólip, tutas mádenietter arasyna syzat túsirdi. Ortalyq Aziia temir qursaýǵa alyndy. Halyqtar men memleketter qaq jaryldy. Alaida, biz bárimizge ortaq, bastaýy bir qundylyqtarymyzdy saqtap qaldyq. Jasandy kedergiler joiylǵan soń biz birtutas álem ekenimizdi qaita sezindik», - dedi QR Prezidenti.
Memleket basshysy otbasylyq jáne qoǵamdyq dástúrler, eńbekqorlyq pen bilimge umtylý Aziia halyqtaryna tán asyl qasietter ekendigin basa aitty.
«Mádenietterdiń jarasymdy damýyn bir sózben áralýandyq úilesimi dep túsiný qajet. Uly Abaidyń «Adamzattyń bárin súi baýyrym dep» aitqany osyny meńzeidi. Aziia birige alady. Qaita jańǵyrǵan Uly Jibek joly osynyń dáleli»,- dedi Q.Toqaev.
Bul rette Qazaqstan Prezidenti qalamgerlerdiń eńbegi Aziianyń uly mádenietin jańǵyrtý isine eleýli úles qosyp kele jatqanyn aitty.
«Eýraziia júregindegi qazaq dalasy - Batys pen Shyǵysty jalǵaityn dáliz ǵana emes. Uly dala eli - san taraptaǵy ǵylym men bilimniń, órkenietterdiń toǵysqan tusy. Búgingi forým qazirgi zaman úrdisteriniń adam áleýetin damytýǵa qyzmet etetindigin kórsetip otyr. Rýhani kemeldenýge umtylmai, órkendeý bolmaidy. Ondai damýdyń eshqandai mańyzy joq», - dedi Qasym-Jomart Toqaev.
