Qazaqstandyq ánshi Dimash Qudaibergenniń búkil álemdegi jankúierleri «We’re Golden» - «Biz – altynbyz» jańa fleshmobyn bastady, dep habarlaidy dimashnews.com saity.
2 aqpan kúni Dimash Qudaibergen Instagram-daǵy óz paraqshasynda «Golden» videoklipiniń keiipkerleri kigen filtr-maskany usynǵan edi. Ánshiniń fanattaryna altyn maska qatty unap, olar qyzyqty fleshmob uiymdastyrýdy sheshken: maskada fotoǵa túsip, ándegi «We’re Golden» sózin óz ana tilinde aitýy qajet.
Osylaisha, YouTube-te jariialanǵan videoda Dimashtyń álemniń túkpir-túkpirindegi 356 jankúierin kórýge jáne «Biz – altynbyz» sózin 38 tilde estýge bolady. Qazaqstandyq ánshi áserli aktsiia úshin rizashylyǵyn bildirip, video astyna kommentarii qaldyrdy.
Atalǵan fleshmob jariialanǵannan keiin oǵan qosylýǵa niet bildirgender qatary arta túsken. Sol sebepti aldaǵy taiaý ýaqytta «Daily Vitamin D»-niń YouTube-kanalynda aktsiianyń keńeitilgen videosy jariialanatyn bolady. Onda taǵy 10 til qosylady.
Eske salaiyq, Dimash Qudaibergenniń «Golden» ánine túsirilgen beinebaian 31 qańtarda jariialandy. Kompozitsiiany Spotify, Amazon Music, iTunes, YouTube Music, Deezer, Yandex jáne ózge de mýzykalyq strimingilik platformalarynda tyńdaýǵa jáne satyp alýǵa bolady.
