Búgin Úkimet otyrysynda QR Energetika ministri Maǵzum Myrzaǵaliev kúzgi-qysqy kezeńdi sátti ótkizý is-sharalaryn atady, dep habarlaidy QazAqparat.
«Jalpy, 2021-2022 jyldardaǵy kúzgi-qysqy kezeńdi sátti ótkizý úshin kelesi is-sharalardy júzege asyrý qajet. Birinshi - elektr stantsiialaryndaǵy, elektr jelilerindegi barlyq jóndeý jumystaryn tolyq kólemde oryndaý. Ekinshi - otyn jetkizýshiler aldyndaǵy bereshekti azaitý, kommýnaldyq qyzmetterdi tutynýshylardyń jetkizýshiler aldyndaǵy debitorlyq bereshegin tómendetý», - dedi ministr.
Úshinshiden, ol eldi mekenderdiń bilim, densaýlyq saqtaý, tirshilikti qamtamasyz etý nysandaryn, áleýmettik jáne mádeni sala obektilerin jylýmen jabdyqtaý júiesine ýaqtyly qosýdy qamtamasyz etý kerektigin aitty.
«Tórtinshi - elimizdiń tirshilik úshin óte mańyzdy kommýnaldyq nysandaryn, ásirese densaýlyq saqtaý nysandaryn derbes elektrmen jabdyqtaýdyń rezervtik kózderimen qamtamasyz etý. Besinshi, jylytý kezeńinde elektr stantsiialaryna, qazandyqtarǵa jáne óńir halqynyń qajettilikterine kómir men mazýttyń turaqty jetkizilimin qamtamasyz etý qajet, - dedi Maǵzum Myrzaǵaliev.
