Qańtar-shilde ailarynda Qazaqstannyń syrtqy saýda taýar ainalymy 53,7 mlrd dollar boldy. Úkimet otyrysynda QR Ulttyq ekonomika ministri Áset Erǵaliev osyndai málimet aitty, dep habarlaidy QazAqparat.
«Biylǵy qańtar-shildede syrtqy saýda taýar ainalymy 53,7 mlrd AQSh dollaryn, onyń ishinde eksport boiynsha kórsetkish 32 mlrd AQSh dollaryn qurady. Bul rette óńdelgen taýarlar eksporty 23,4% ósip, 10,4 mlrd AQSh dollaryna deiin jetti», - dedi vedomstvo basshysy.
Sondai-aq, ol jalpy saýda balansy 10,4 mlrd AQSh dollaryn qurap, oń deńgeiin saqtaǵanyn atady.
«Óńdeý ónerkásibi turaqty ósý úrdisin saqtap otyr. Óndiris kólemi 5,8%-ǵa ósti. 14 óńir boiynsha oń ósim kórsetkishi tirkeldi. Eń joǵarǵy ósim Almaty qalasynda, sondai-aq Almaty jáne Qyzylorda oblystarynda baiqalyp otyr», - dedi Áset Eraǵaliev.
Al óńdeý ónerkásibi boiynsha vagondar men lokomotivter ónidirisinde eń joǵary kórsketkish tirkelgen – 48,9%.
Farmatsevtikalyq ónim óndirýde – 40,8%, mashina jasaý – 23,9%, onyń ishinde avtomobil jasaý – 34,2%, vagondar men lokomotivter óndirisi – qurylys materialdary – 11,6%, plastmassa buiymdary – 26,5%, daiyn metall buiymdary – 18,6%, kiim – 16,3% jáne jihaz – 16% deńgeiinde serpindi ósýdi kórsetip otyr.
«Biylǵy jyldyń segiz aiynda oryndalǵan qurylys jumystarynyń kólemi 11,4%-ǵa ósip, qurylys sektory joǵary qarqyn kórsetýde. Kórsetkishtiń oń ósimi barlyq óńirler boiynsha tirkelgen. Qurylys-montajdaý jumystarynyń eń joǵary ósimi Aqmola jáne Túrkistan oblystarynda, sondai-aq Almaty qalasynda baiqalady», - dedi Ulttyq ekonomika ministri.
