Biylǵy birinshi toqsanda karantindik shekteýlerge bailanysty 12 myńnan astam adam ýaqytsha jumysynan aiyryldy. Bul týraly QR Strategiialyq josparlaý jáne reformalar agenttigi Ulttyq statistika biýrosynan málim etti, dep habarlaidy "Ult aqparat".
2021 jylǵy I toqsanda respýblikada jumyspen qamtylǵandar sany 8,8 mln adamdy qurady. Onyń ishinde 6,7 mln adam nemese jumyspen qamtylǵandardyń jalpy sanynyń 76,3% jaldamaly qyzmette eńbek etedi.
Jumyssyzdar sany 451 myń 300 adamdy qurady, jumyssyzdyq deńgeii – 4,9%.
Aqparatqa sáikes, biylǵy I toqsanda eńbek naryǵyna koronavirýsqa bailanysty engizilgen karantindik sharalar áser etken. 2020 jyldyń IV toqsanymen salystyrǵanda, jumys kóleminiń tómendeýinen (tolyq emes jumys kúni) nemese jumys berýshiniń bastamasyna bailanysty eńbekpen az saǵat qamtylǵandar sany 7% artty nemese 259 myń 400 adamdy qurady.
Kásiporyn qyzmetiniń toqtaýyna bailanysty ýaqytsha jumys istemeitinder sany 12 myń 100 adamdy qurady. Onyń ishinde 40,9% - saýda qyzmetkerleri, 13,1% - kórsetiletin qyzmetterdiń ózge de túrleri, 6,9% - kólik jáne jinaqtaý, 5,8 - bilim berý salalarynda.
2021 jylǵy sáýir aiynyń sońyndaǵy jaǵdai boiynsha, jumyspen qamtý organdarynda jumyssyz retinde resmi tirkelgender sany – 215 myń adam. Tirkelgen jumyssyzdar úlesi jumys kúshi sanynyń 2,3% quraidy.
