2019 jylǵy UBT qatysty bes mańyzdy pýnkt.
Birinshisi jáne eń mańyzdysy – UBT formaty boiynsha buryńǵydai qalady jáne format boiynsha ózgerister bolmaidy.
Pánderdiń sany buryńǵydai 5 jáne test tapsyrmalary – 120, maksimaldy balldar sany – buryńǵydai, ózgermegen, 140.
Talapker ádettegidei 3 mindetti pánderdi tapsyrady:
- Qazaqstan tarihy,
- matematikalyq saýattylyq,
- oqý saýattylyǵy.
Jáne ózi tańdaǵan mamandyq boiynsha 2 salalyq pánder.
Ekinshisi.
2019-shy jyldan bastap endi UBT jylyna 4 ret ótkiziletin bolady: qańtar, naýryz, maýsym jáne tamyzda. Esterińizge sala keteiik, osyǵan deiin 3 ret bolatyn: maýsym, tamyz, qańtarda.
Qańtardaǵy, naýryzdaǵy jáne tamyzdaǵy UBT-ge qatysqan talapkerge sertifikatpen JOO-nyń tek aqyly bólimderine ǵana túsýge quqyq beredi, al testige qatysý aqyly bolady.
Osy úsh testileýdiń nátijesi boiynsha basqa úlgidegi sertifikattar beriledi, jánede olar grant alýǵa jaramaidy.
Eger talapker memlekettik grant alǵysy kelse, onda ol mindetti túrde maýsymda UBT tapsyryp, tek sonyń qorytyndysy boiynsha ǵana grant baiqaýyna qatysa alady, jáne de joǵary ball jinaǵan kezde ǵana biýdjet esebinen bilim ala alady.
Aqyly bólimge túsý úshin talapkerlerge 4 UBT birine qatysyp, shekti ball jinasa jetkilikti.
Mysaly, talapker qańtardaǵy UBT qatysyp, 120 ball jinaidy – endi ol 1-shi aqpanda JOO qabyldaý komissiiasyna baryp, birden shartty túrde aqyly bólimge tirkele alady, al eger sońyra grant alǵysy kelip, maýsymda UBT qatysyp 50 ball jinasa, onda ol qańtardaǵy 120 ball jinaǵan sertifikatyn kórsetip, grantqa úmittene almaidy. Grant úshin UBT maýsymdaǵy nátijesi ǵana jaramdy, sondyqtan ol aqyly túrde oqýǵa túse alady.
Úshinshisi.
Qańtarda UBT-ge 3 sanattaǵylar qatys alady:
1. 11 nemese 12 bitirýshi synyptardyń oqýshylary;
2. qyrkúiekte JOO-na shartty túrde oqýǵa túskender;
3. shyǵarmashylyq mamandyqtardan basqa mamandyqtarǵa aýysyp jatqan stýdentter.
Naýryzda UBT tek 11 nemese 12 bitirýshi synyptardyń oqýshylary ǵana tapsyrady.
Maýsymda grantqa úmitker barlyq sanattar tapsyra alady.
Tamyzda - aqyly bólimge túsetinder jáne osyǵan deiin qajetti ball jinai almaǵandardyń barlyǵy.
Tórtinshisi.
Shyǵarmashylyq mamandyqtardan basqa mamandyqtarǵa aýysqysy keletin stýdentter úshin eki salalyq pán boiynsha emtihan tapsyrýlary kerek. Sebebi olar shyǵarmashylyq mamandyqtarǵa oqýǵa túskende salalyq pánder boiynsha testiler tapsyrmaǵan, sondyqtan bul mamandyqtardan aýysý kezinde osy aiyrmashylyqty tapsyrýlary tiis.
Barlyq túlekterge sertifikattarmen birge aqparattyq paraqshalar beriledi, onda siz qujatttar tapsyra alatyn bilim berý baǵdarlamalarynyń tizimi; aǵymdaǵy jyly bólinetin granttar sany; ótken jyldardaǵy granttyq baiqaýlardyń nátijeleri jáne ótken jyldyq jartylai shekti balldary kórsetilgen. Bul qujatqa nazara aýdarý kerek.
Besinshisi.
Daiyndyq baǵyttarynyń jańa toptaýshysy.
Jańa toptaýshynyń engizilýine bailanysty granttar bilim berý baǵdarlamalar toptaryna bólinip taratylady.
Mysaly, «Aqparattyq tehnologiialar» sekildi top bar, onyń quramyna Informatika, Aqparattyq júieler, Blogchein, Big data jáne t.b. aqparattyq baǵdarlamalar enetin toptar bar.
Aitalyq, bul topqa 1 000 grant bólindi delik, bul granttarǵa baiqaý osy topty kórsetken toptar sheńberindegi úmitkerler arasynda ótedi. Úmitkerlerge osy top boiynsha grant úlestirilgen soń, ol ýniversitetke qabyldanady jáne osy baǵdarlamalar toptarynyń sheńberinde naqty baǵdarlamany ózi tańdaidy. Iaǵni, eger Aqparattyq tehnologiialar boiynsha grant utyp alsa, keiin Big data nemese osy top ishindegi basqa da baǵdarlamany tańdai alady.
Bilim jáne ǵylym vitse-ministri Ashat Aimaǵambetov
