Biylǵy 9 aida Qazaqstannyń ishki jalpy óniminiń ósýi 3,4% boldy. Bul týraly Májilistiń jalpy otyrysynda Ulttyq bank tóraǵasy Erbolat Dosaev málim etti, dep habarlaidy QazAqparat.
«Biylǵy jylǵy 9 aidyń qorytyndysy boiynsha Qazaqstannyń ishki jalpy óniminiń ósýi 3,4% boldy, munaidyń ortasha baǵasy bir barrel úshin 68 AQSh dollary deńgeiinde qalyptasty. Bul serpin Qazaqstan ekonomikasyn damytýdyń optimistik stsenariiine sáikes keledi. Munaidyń ortasha jyldyq baǵasy bir barrel úshin 70 AQSh dollary bolǵan kezde Ulttyq bank ishki jalpy óniminiń 2021 jyly 3,7-4% deńgeiinde ósýin kútedi», - dedi E. Dosaev.
Onyń aitýynsha, álemdik jáne ulttyq ekonomikalardyń osyndai tez qalpyna kelýi jalǵasyp jatqan fiskaldyq yntalandyrý baǵdarlamalary men jeńil aqsha-kredit talaptarynyń nátijesinde múmkin boldy.
«Sonymen birge, bul faktorlar tutynýshylyq suranystyń qalpyna kelýine jáne álemdegi infliatsiialyq qysymnyń aitarlyqtai ósýine ákeldi. Osy jyldyń basynan bastap baǵanyń ósýi tarihi eń joǵary kórsetkishterdi jańartyp otyr. Álemniń iri ekonomikalarynda infliatsiia 13 jyldyq eń joǵary kórsetkishterge jetti: ol AQSh-ta 5,4%-ǵa deiin, Eýroodaqta – 3,4%-ǵa deiin ósti», - dedi UB basshysy.
