Byltyrǵy qańtar aiyndaǵy UBT-men salystyrǵanda tyiym salynǵan zattardy alyp kirý áreketteriniń sany da azaiǵan, dep habarlaidy QazAqparat.
Bilim jáne ǵylym ministrliginiń málimetinshe, smartfon, shpargalka jáne basqa da tyiym salynǵan zattardy alyp ótý áreketi saldarynan testileýden ótý múmkindiginen 90 talapker aiyryldy.
Bul 2021 jylmen salystyrǵanda úsh ese az.
Esterińizge sala keteiik, UBT úsh deńgeili júie boiynsha ótkiziledi: Face ID jeke basyn sáikestendirý arqyly, jeke kýálik boiynsha, sondai-aq testileý ornynda jeke basyn sáikestendirý júrgiziledi.
Biyl testileý alǵash ret «bir kompiýter – eki kamera – bir testileýshi» qaǵidasy boiynsha ótkizildi.
Eger buryn testileý barysy ár kompiýterdiń ústinde ornalasqan bir ǵana kameradan baqylansa, endi UBT kezinde jeke tulǵany sáikestendirýge jáne bógde adamdardyń kirýine jol bermeýge múmkindik beretin ekinshi (aldyńǵy) kamera ornatyldy.
Testileý kezinde erejelerdi buzǵany úshin aýditoriiadan barlyǵy 229 adam shyǵarylyp, olardyń nátijesi joiyldy.
