2016 jylǵy 1 qyrkúiekte barlyq mektepterde dástúrli saltanatty jiyn ótedi. Aǵymdaǵy jyly ol Qazaqstan Táýelsizdiginiń 25-jyldyǵyna jáne Qazaqstan Respýblikasy Konstitýtsiiasy kúnine arnalady. Búkil elimiz boiynsha «Máńgilik el» patriottyq aktisi sheńberinde «Men - óz Otanymnyń patriotymyn» biryńǵai bilim berý sabaǵy ótkiziledi, dep habarlaidy "Ult aqparat" pm.kz saityna silteme jasap.
Oqý jylynyń uzaqtyǵy mektepaldy daiarlyq synyptarynda 32 oqý aptasyn, 1-synyptarda – 33 oqý aptasyn, 2-11 (12)-synyptarda – 34 oqý aptasyn quraidy.
Ministrlik sondai-aq oqý jyly barysyndaǵy demalys kúnderi men onyń uzaqtyǵyn belgiledi. Oqýshylardyń kúzgi demalysy 7 kúnge sozylady (2016 jylǵy 31 qazannan bastap 6 qarashany qosa alǵanǵa deiin), qysqy demalys – 10 kún (2016 jylǵy 30 jeltoqsannan bastap 2017 jylǵy 8 qańtardy qosa alǵanǵa deiin), kóktemgi demalys – 13 kún (2017 jylǵy 21 naýryzdan bastap 2 sáýirdi qosa alǵanǵa deiin).
Mektepaldy synyptarda kóktemgi demalys 15 kúnge sozylady (2017 jylǵy 21 naýryzdan bastap 4 sáýirdi qosa alǵanǵa deiin). Sondai-aq, mektepaldy daiarlyq synyptarynyń oqýshylary men 1-synyp shákirtterine qosymsha 7 kún (2017 jylǵy 1 aqpannan bastap 7 aqpandy qosa alǵanǵa deiin) demalys belgilenedi.
Jazǵy demalystyń bastalý kúni men uzaqtyǵy ministrliktiń 2016/2017 oqý jylynyń aiaqtalýy jónindegi buiryǵynda belgilenedi.
Biylǵy jyldan bastap barlyq birinshi synyp oqýshylary jańartylǵan baǵdarlama boiynsha bes kúndik oqý aptasymen oqidy. Qalǵan synyptar bes kúndik oqý aptasyna 2019 jylǵa deiin jańartylǵan baǵdarlamaǵa kóshýine bailanysty birtindep aýysady.
