2016 جىلعى 1 قىركٷيەكتە بارلىق مەكتەپتەردە دەستٷرلٸ سالتاناتتى جيىن ٶتەدٸ. اعىمداعى جىلى ول قازاقستان تەۋەلسٸزدٸگٸنٸڭ 25-جىلدىعىنا جەنە قازاقستان رەسپۋبليكاسى كونستيتۋتسيياسى كٷنٸنە ارنالادى. بٷكٸل ەلٸمٸز بويىنشا «مەڭگٸلٸك ەل» پاتريوتتىق اكتٸسٸ شەڭبەرٸندە «مەن - ٶز وتانىمنىڭ پاتريوتىمىن» بٸرىڭعاي بٸلٸم بەرۋ ساباعى ٶتكٸزٸلەدٸ, دەپ حابارلايدى "ۇلت اقپارات" pm.kz سايتىنا سٸلتەمە جاساپ.
وقۋ جىلىنىڭ ۇزاقتىعى مەكتەپالدى دايارلىق سىنىپتارىندا 32 وقۋ اپتاسىن, 1-سىنىپتاردا – 33 وقۋ اپتاسىن, 2-11 (12)-سىنىپتاردا – 34 وقۋ اپتاسىن قۇرايدى.
مينيسترلٸك سونداي-اق وقۋ جىلى بارىسىنداعى دەمالىس كٷندەرٸ مەن ونىڭ ۇزاقتىعىن بەلگٸلەدٸ. وقۋشىلاردىڭ كٷزگٸ دەمالىسى 7 كٷنگە سوزىلادى (2016 جىلعى 31 قازاننان باستاپ 6 قاراشانى قوسا العانعا دەيٸن), قىسقى دەمالىس – 10 كٷن (2016 جىلعى 30 جەلتوقساننان باستاپ 2017 جىلعى 8 قاڭتاردى قوسا العانعا دەيٸن), كٶكتەمگٸ دەمالىس – 13 كٷن (2017 جىلعى 21 ناۋرىزدان باستاپ 2 سەۋٸردٸ قوسا العانعا دەيٸن).
مەكتەپالدى سىنىپتاردا كٶكتەمگٸ دەمالىس 15 كٷنگە سوزىلادى (2017 جىلعى 21 ناۋرىزدان باستاپ 4 سەۋٸردٸ قوسا العانعا دەيٸن). سونداي-اق, مەكتەپالدى دايارلىق سىنىپتارىنىڭ وقۋشىلارى مەن 1-سىنىپ شەكٸرتتەرٸنە قوسىمشا 7 كٷن (2017 جىلعى 1 اقپاننان باستاپ 7 اقپاندى قوسا العانعا دەيٸن) دەمالىس بەلگٸلەنەدٸ.
جازعى دەمالىستىڭ باستالۋ كٷنٸ مەن ۇزاقتىعى مينيسترلٸكتٸڭ 2016/2017 وقۋ جىلىنىڭ اياقتالۋى جٶنٸندەگٸ بۇيرىعىندا بەلگٸلەنەدٸ.
بيىلعى جىلدان باستاپ بارلىق بٸرٸنشٸ سىنىپ وقۋشىلارى جاڭارتىلعان باعدارلاما بويىنشا بەس كٷندٸك وقۋ اپتاسىمەن وقيدى. قالعان سىنىپتار بەس كٷندٸك وقۋ اپتاسىنا 2019 جىلعا دەيٸن جاڭارتىلعان باعدارلاماعا كٶشۋٸنە بايلانىستى بٸرتٸندەپ اۋىسادى.
