Biyl Eńbek kelisimsharttaryn esepke alýdyń biryńǵai júiesine jumys isteitin azamattardyń 85 paiyzy tirkeledi. Bul týraly QR Eńbek jáne halyqty áleýmettik qorǵaý vitse-ministri Erbol Ospanov aitty, dep habarlaidy QazAqparat.
«Eńbek kelisimsharttaryn esepke alýdyń biryńǵai júiesi jaiynda aitar bolsaq, búginde 3,9 mln eńbek kelisimsharty tirkeldi. Aqparattyq júiege 150 myńǵa jýyq jumys berýshi qosyldy. Bul barlyq jumys isteitin azamattardyń 70 paiyzyn quraidy», – dedi Erbol Ospanov ortalyq kommýnikatsiialar qyzmetindegi baspasóz máslihatynda.
Onyń atap ótýinshe, atalǵan is-sharalardyń arqasynda jumysqa ornalasý protsesterin jeńildetýge, jumysqa ornalasýǵa qajetti qujattardyń sapasyn arttyrýǵa, azamattardyń eńbek quqyqtarynyń saqtalýyna monitoring júrgizýge, kadrlyq is júrgizý protsesterin avtomattandyrýǵa múmkindik týyp otyr.
«Sonymen qatar bul júie azamattardyń avtomatty túrde elektrondy isterin qalyptastyrýǵa jáne eńbek resýrstaryn qajetti boljamdalýyna múmkindik beredi. Biyl bizdiń aldymyzda eńbek kelisimsharttarynyń keminde 85 paiyzyn tirkeý mindeti tur», - dedi vitse-ministr.
