Biyl jeti aida Qazaqstanda 7 mln tonnadan astam munai ónimderi óndirildi. Bul týraly QR Energetika ministrliginen málim boldy, dep habarlaidy "Ult aqparat".
«Biylǵy jylǵy qańtar-shilde ailarynyń qorytyndysy boiynsha 7,2 mln tonna munai ónimderi óndirildi, bul kórsetkish ótken jyldyń sáikes kezeńimen salystyrǵanda 112%-dy quraidy», - delingen ministrlik málimetinde.
Osy oraida avtobenzin boiynsha kórsetkish 2,7 mln tonna, iaǵni, byltyrǵy sáikes kezeńine 107,3%-dy qurady.
Óndirilgen dizel otynynyń kólemi 2,8 mln tonna, bul 2020 jyldyń jeti aiynyń kórsetkishimen salystyrǵanda 109%-dy kórsetti.
«Áýe otyny boiynsha kórsetkish 323 myń tonnany, ótken jyldyń sáikes kezeńine 127,7%-dy qurady. Mazýt óndirisine toqtalsaq, onyń kórsetkishi 1,4 mln tonnany qurady, iaǵni byltyrdyń sáikes kezeńine 125% qurap otyr. Sonymen qatar, esepti kezeńde bitým óndirisi 556 myń tonnaǵa jetti, ótken jyldyń sáikes kezeńine 102,5 paiyzdy qamtydy. Tutastai alǵanda, munaigaz-himiia ónimderiniń kólemi 84,5 myń tonnany qurady, bul eseptik ezeńniń josparyna 100%-dy quraidy», - dep atalyp ótken vedomstvo habarlamasynda.
