Aldaǵy jazda aýa raiy qubylmaly bolady. Qazaqstandyqtardy nóser jańbyrly, naizaǵaily jáne jeldi, sondai-aq ashyq kúnder kútip tur, dep habarlaidy QazAqparat Qazgidrometke silteme jasap.
Jazǵy konsýltativtik maýsymdyq boljamǵa sáikes, jazdyń alǵashqy eki aiynda respýblikanyń batys jartysynda aýa temperatýrasy normadan joǵary, al eldiń shyǵys jartysynda — normaǵa jaqyn bolady dep boljanyp otyr.
Tamyz aiy salqyn bolady. Qazaqstannyń kóptegen oblystarynda temperatýralyq fon klimat normasy sheginde bolmaq.
Tek Qazaqstannyń shetki soltústiginde ǵana normadan joǵary bolady degen boljam bar.
Maýsym aiynda Qazaqstannyń basym bóliginde jaýyn-shashyn normadan az bolady.
Respýblikanyń soltústik-shyǵys jartysynda, eldiń ońtústigi men ońtústik-shyǵysynyń taýly jáne taý bókterindegi aýdandarynda jańbyr jaýýy yqtimal.
Shilde men tamyz ailarynda kerisinshe, eldiń kóp bóliginde jaýyn-shashyn bolady — klimattyq normaǵa jaqyn.
