Biylǵy jyldyń 5 aiynda jergilikti biýdjetterdiń kiristeri 29 paiyzǵa artyǵymen oryndalyp otyr. Bul týraly Parlament palatalarynyń birlesken otyrysynda Qarjy ministri Erulan Jamaýbaev málim etti, dep habarlaidy QazAqparat.
«Biýdjetaralyq qatynastardy jetildirý máselesine qatysty kelesini atap ótkim keledi. Qoldanystaǵy jalpy sipattaǵy ózgermeitin transfertterdi 3 jylǵa qoldaný ádistemesi ýnitarlyq memleketterge tán. Bul óńirlerge qosymsha alynǵan kiristerdi ózderine paidalanýǵa múmkindik beredi. Mysaly, 2017-2019 jyldary jergilikti biýdjetter 1 trln teńgege jýyq asyra oryndalyp, ol óńirlerdiń ózderinde qalǵan bolatyn», - dedi E. Jamaýbaev Úkimet pen Esep komitetiniń 2020 jylǵa arnalǵan respýblikalyq biýdjettiń atqarylýy týraly esepterin qaraý kezinde.
Onyń aitýynsha, ótken jyldan bastap jergilikti biýdjetterdiń derbestigin arttyrý úshin shaǵyn jáne orta biznesten túsetin korporativtik tabys salyǵy olardyń shyǵystar bazasyna berildi.
«Bul jaqsy sheshim boldy. 2020 jyly shaǵyn jáne orta biznesten korporativtik tabys salyǵy boiynsha jospar 25 paiyzǵa asyra oryndaldy. Biyljy jyldyń 5 aiynda jergilikti biýdjetterdiń menshikti kiristeri 29 paiyzǵa nemese 367 mlrd teńgege artyǵymen oryndalyp otyr», - dedi ministr.
«Biyl Jalpy sipattaǵy transfertterdi esepteýdiń jańa ádistemesi ázirlenetin bolady. Onda barlyq is júzinde qalyptasqan shyǵystar, onyń ishinde infraqurylymnyń, joldardyń jáne turǵyn úi-kommýnaldyq sharýashylyǵynyń aǵymdaǵy jai-kúii eskeriletin bolady. Sondai-aq, jańadan iske qosylatyn obektilerdi kútip ustaý boiynsha qarajat eskerilmek. Barlyq kórsetkishter men koeffitsientter qaita qaralady», - dedi ol.
