Biyl «Volonterlik týraly» zań jobasy ázirlenedi. Bul týraly búgin QR Aqparat jáne qoǵamdyq damý ministrliginiń keńeitilgen alqa otyrysynda vedomstvo basshysy Dáýren Abaev aitty, – dep habarlaidy QazAqparat.
«Azamattyq qoǵam salasyndaǵy negizgi sharalarǵa toqtalýǵa ruqsat etińizder. Eń aldymen bul – Volenter jyly. 7 baǵytty qamtityn is-sharalar jospary bekitilgen. Olar: balalar úilerindegi balalardy qamqorlyqqa alý, naýqastardy qaraýǵa kómek kórsetý, qorshaǵan ortany qorǵaý, ózender men ormandardy tazalaý, qarttar úilerinde eriktilerdiń jumysy, aýyl mektepteriniń joǵary synyp oqýshylaryna kómektesý, sonymen qatar ekinshi dúniejúzilik soǵystaǵy jeńistiń 75 jyldyǵyna arnalǵan jumystar. Osy jyldyń sońyna deiin «Volenterlik týraly« zań jobasyn ázirleýge de nazar aýdartqym keledi», - dedi ministr.
Sonymen qatar ol elimizdiń barlyq úkimettik emes uiymdaryn IX Qazaqstannyń Azamattyq forýmyna belsendi túrde qatysýǵa shaqyrdy.
«EXPO bazasynda Art Hub kreativtik kapital ortalyǵynyń alańynda respýblikalyq volenterlik front-keńse ashý josparlanyp otyr. Osy salaǵa jetekshilik etetin vitse-ministr azamattyq qoǵam salasyndaǵy mindetterdiń oryndalýyn baqylaýǵa alýy qajet», - dedi Dáýren Abaev.
