Jyl sońyna deiin elimizdiń iri úsh qalasyndaǵy jumys isteitin jastar jalǵa beriletin páterlerin alady. Bul týraly Parlament Májilisindegi Úkimet saǵatynda aityldy, dep habarlaidy "Ult aqparat".
«Biyl jastarǵa páter berý bastalǵaly jatyr. Jyl sońyna deiin jalǵa beriletin turǵyn úiler tapsyrylady. Osy oraida bul páterlerge úmitkerlerden ótinimder túsip jatyr. Bul turǵyda úsh qalanyń ákimdigi tarapynan da tiisti qadamdar jasalýy kerek. Aldaǵy jyly da osy bastama aiasynda jaqsy nátije bolady», - dedi QR Aqparat jáne qoǵamdyq damý ministri Dáýren Abaev.
Óz kezeginde QR IIDM Qurylys jáne turǵyn úi kommýnaldyq sharýashylyq isteri komitetiniń tóraǵasy Marhabat Jaiymbetov Nur-Sultan, Almaty jáne Shymkent qalalarynda jastarǵa turǵyn úilerdi paidalanýǵa berý qarasha men jeltoqsan ailarynda júrgiziletindigin jetkizdi.
«Atalǵan qalalar ákimdikteri málimetinshe, eki aidyń ishinde jastar tiesili páterleriniń kiltin alatyn bolady», - dedi M. Jaiymbetov.
Budan buryn, D. Abaev 2022 jyldan bastap Qazaqstannyń barlyq óńirinde jastarǵa jaldamaly páter salý múmkindigi týraly málim etken edi.
