2021 jyly halyq sanaǵyn ótkizýge 5,2 mlrd teńge jumsalmaq. Bul týraly Strategiialyq josparlaý jáne reformalar agenttigi málim etken.
Qarjynyń shyǵys bóligi, iaǵni, 4,259 mlrd teńge sanaq júrgizýge tartylatyn qyzmetkerler men shtattan tys qyzmetkerlerge eńbekaqy retinde tólenedi.
Sanaqqa 32 myńnan astam interviýer tartylady.
2018-2023 jyldar aralyǵynda ulttyq sanaqty qarjylandyrýǵa qajetti soma - 9,1 mlrd teńge.
Sanaqqa daiyndaý jáne ony ótkizýmen QR Premer ministriniń birinshi orynbasary Álihan Smaiylov basqaratyn arnaiy komissiia shuǵyldanady.
Buǵan qosa, agenttiktiń 2021 jylǵa josparlaǵan jiyntyq biýdjeti - 18,8 mlrd teńge kóleminde (2020 jyly – 12,8 mlrd teńge).
Onyń ishinde:
• Agenttiktiń ortalyq apparatynyń biýdjeti– 325 mln teńge ( 2020 jyly – 59,7 mln teńge);
• Agenttiktiń Ulttyq statistika biýrosynyń biýdjeti – 18,7 mlrd teńge ( 2020 jyly– 12,7 mlrd teńge).
Agenttiktiń biylǵy biýdjetin arttyrý qarastyrylmaǵan.
Kerisinshe, sanaq ótkizilgennen keiin agenttiktiń shtattyq sanyn birmezettik 25% qysqartý josparlanǵan, ári jyl saiyn 2024 jylǵa deiin biýdjettik shyǵyndardy 10-18% kóleminde júieli túrde qysqartý kózdelip otyr.
