Biyl Ulttyq biryńǵai tes tapsyrý kezinde zań buzǵan 19 talapkerdiń nátijesi joiyldy, dep habarlaidy Ulttyq testileý ortalyǵy.
Ortalyq taratqan málimetterge qaraǵanda, Ulttyq testileý ortalyǵy testileýdi tapsyrý kezinde anyqtalǵan zańbuzýshylyqtar jóninde únemi habardar etip otyrady.
Bul jerde bógde tulǵalardy anyqtaý, sondai-aq tyiym salynǵan zattardy alyp kirýge talpyný jáne olardy paidalaný týraly aitylyp otyr.
Ereje buzylǵan jaǵdaida, aqparat avtomatty túrde, Ortalyq ministrliktiń kelisiminsiz, odan ári qaraý úshin quqyq qorǵaý organdaryna tapsyrylady.
Osy rette UTO oqýǵa túsýshilerdiń bilim alǵan mektebi, onyń ishinde olardyń ata-analary týraly málimetterdi anyqtamaidy.
Bul UBT ótkizý erejelerine ózgerister engizilgennen keiin eki jyldan beri júzege asyrylyp kele jatqan mańyzdy jumys.
Aita ketý kerek, ótken jyly osy normany qabyldap, beinejazbalardy alǵash ret qarastyrǵan soń taǵaiyndalyp qoiǵan granttardyń kúshi jaramsyz bolyp tanyldy. Biyl da beinejazbalardy teksergennen keiin 19 talapkerdiń nátijesi joiyldy.
«UBT aiaqtalyp, granttar taǵaiyndalǵannan keiin de ulttyq testileý ortalyǵynyń qyzmetkerleri talapkerlerdiń qatysýymen beinejazbalardy qaraidy. Birinshi kezekte, 100-den astam ball jinaǵan testilenýshilerdiń beinejazbalary tekseriledi. Ári qarai basqa da jaǵdailar qarastyrylady. Bul baǵyttaǵy jumys odan ári jalǵasatyn bolady», - delingen habarlamada.
