Biyl qyrkúiek aiynda Túrkiiada ótýi tiis «Kóshpendiler oiyndary» 2021 jylǵa shegerildi, dep habarlaidy "Ult aqparat".
«Ár eki jyl saiyn ótkiziletin «Kóshpendiler oiyny» biyl Túrkiiada ótkizilýi kerek edi. Alaida álemdik pandemiiasyna bailanysty Túrkiiadaǵy uiymdastyrýshydan resmi hat kelip, bul saiystyń kelesi jylǵa qalatynyn habarlady», - dedi QR Ulttyq sport qaýymdastyǵynyń baspasóz qyzmetinen.
Eske sala ketsek 2018 jyldyń qyrkúieginde III Dúniejúzilik kóshpendiler oiyndary Qyrǵyz Respýblikasynda ótken bolatyn. Dúniejúzilik kóshpendiler oiyndary - túrki áleminiń ortaq qundylyqtaryn álemge pash etip, kóshpendiler murasyn nasihattaýda úlken joba bolyp kele jatqan sporttyq shara. Eki jyl buryn Ystyq kól aimaǵy Sholpan-Ata qalasynda ótken oiyndarǵa qatysýshylar 37 ulttyq sport túrinen ózara baq synasqan bolatyn. Oǵan álemniń 80 elinen úsh myńǵa jýyq adam qatysqan.
