Biyl Túrkistan oblysynda qurylys qarqyny artqan. Oblystyq qurylys basqarmasy tarapynan 2022 jyly 349 biýdjettik jobany iske asyrý josparlanǵan. Jyl qorytyndysymen 107 nysandy paidalanýǵa tapsyrý josparlanǵan, qalǵany kelesi jylǵa ótpeli.
Qarjylandyrýdyń barlyq kózderi esebinen 2022 jyly 855 myń sh.m. turǵyn úi berý josparlanyp, 11 aiynyń qorytyndysymen oblys boiynsha 811,6 myń sh.m. (6811 páter) turǵyn úi paidalanýǵa berilip, ótken jylmen salystyrǵanda 136,7% oryndaldy. Sonymen qatar «Qurylys kóleminiń naqty indeksi boiynsha» 2022 jyldyń qorytyndysymen 102% nemese 329,3 mlrd. teńgege qurylys-montaj jumystaryn oryndaý kózdelgen. Bul kórsetkish 2022 jylǵy 11 aidyń qorytyndysymen 102,0% oryndalyp, 269,1 mlrd. teńgeni qurady.
Óńirde bilim berý salasynda 20,9 mlrd. teńgege 51 nysannyń (13 000 oqýshyǵa arnalǵan) qurylysy júrgizilýde. Onyń 22-i paidalanýǵa tapsyrylady (búgingi tańda 14 mektep tapsyryldy), qalǵany 2023 jylǵa ótpeli.
Densaýlyq saqtaý salasynda 2,8 mlrd. teńgege 20 nysan iske asyrylýda. Onyń 4-eýi tapsyryldy. Atap aitsaq, Shardarada 150 kelýshige arnalǵan emhana, Túrkistan qalasynda jedel járdem stantsiiasy, Ordabasy aýdanynda 2 FAP paidalanýǵa tapsyryldy, qalǵany 2023 jylǵa ótpeli;
Mádeniet salasy boiynsha 14 nysannyń qurylysyna 2,2 mlrd. teńge bólingen, nysandar 2023 jylǵa ótpeli. Injenerlik infraqurylym jáne abattandyrý boiynsha 34,8 mlrd. teńgege 110 nysannyń qurylysy josparlanǵan, biyl 18-i tapsyrylady. Sport salasynda 13,8 mlrd. teńgege 12 nysan iske asyrylyp jatyr.
Týrizm salasynda 2 nysannyń, áleýmettik qamtamasyz etý obektilerin salý jáne rekonstrýktsiialaý boiynsha 1 nysannyń, aýyl sharýashylyǵy salasynda 4 nysannyń qurylysy júrgizilýde.
Turǵyn úi qurylysyna 35,9 mlrd. teńge bólinip, atalǵan qarjyǵa 129 úi nemese 7928 páter salynýda.
