Túrkistan oblysynyń ákimi Ómirzaq Shókeev Túlkibas aýdanyna jasaǵan jumys saparynda aýdandaǵy qurylys nysandaryndaǵy jumystar barysymen tanysty. Aýdannyń infraqurylymyn jaqsartý, turǵyndarǵa qolaily jaǵdai jasaý baǵytyndaǵy jobalardy saralady, dep habarlaidy «Ult aqparat» Túrkistan oblysy ákimdiginiń baspasóz qyzmetine silteme jasap.
Jalpy biyl aýdanda 3 mekteptiń qurylysy júrip jatyr. Bir mektep osy oqý jylynyń basynda, iaǵni, qyrkúiekte berilse, 2 bilim uiasy jyl sońyna deiin tapsyrylmaq. Sonymen qatar 1 mektepke qosymsha korpýs soǵylýda. Biyl jyl basynda halyq sanynyń artýyna bailanysty úsh mektepke qosymsha korpýs boi kóterip, paidalanýǵa berilgen. Óńir basshysy Abaiyl aýylyndaǵy N.Qasymbekov atyndaǵy jańa mekteptiń qurylysyn kórdi. Merdiger mekeme «ShAH» JShS salyp jatqan mekteptiń syiymdylyǵy – 100 oryn. Qurylysy bir ai kóleminde tolyq aiaqtalmaq.
«Bilim salasyn damytý – nazardaǵy is. Byltyr elimizde salynǵan mektepterdiń tórtten biri bizdiń óńirde boi kóterdi. Biyl Túrkistan oblysynda 59 mekteptiń qurylysy qolǵa alynǵan. 21 bilim uiasyn biyl paidalanýǵa tapsyrý josparlanyp otyr», – degen Ómirzaq Shókeev qurylysqa asqan jaýapkershilikpen qaraý kerektigin eskertti.
«Aýyl – El besigi» baǵdarlamasy aiasynda Balyqshy aýylyndaǵy J.Narbotauly kóshesiniń ortasha jóndeý jumysy júrip jatyr. Uzyndyǵy 1,4 shaqyrym kóshe jaqynda el igiligine beriledi. Aýdan ákimi Nurlan Baiǵut infraqurylymdy jaqsartý baǵytyndaǵy jumystar men aldaǵy josparlardy tanystyrdy. Oblys ákimi T.Rysqulov aýyly, «Bahybek» móltek aýdanynyń injenerlik-infraqurylym júielerin júrgizý jáne damytý máselelerimen de tanysyp, jaýaptylarǵa tiisti tapsyrmalar berdi. Sharafkent aýylyndaǵy «Boz» kanalynyń qurylysyna qatysty da óz oiyn bildirip, jobanyń mańyzdy ekenin aitty. Óńirde kanaldardy jóndeý, aǵyn sý máselesin sheshý baǵytynda aýqymdy jumystar atqarylyp jatqanyn málimdedi. Joba aiasynda 11 shaqyrymnan astam kanal jóndeledi. Ol jumystar 2023 jyly aiaqtalmaq. Osy arqyly aýdanda aǵyn sýmen qamtý kórsetkishi artyp, diqandarǵa jaǵdai jasalady.
Jumys saparynda Ómirzaq Shókeev Jaskeshý aýylyndaǵy «Jer Ana» sharýa qojalyǵynda boldy. Sharýa qojalyǵynyń basshysy O.Kólbaevtyń aitýynsha, munda bidai, arpa jáne jońyshqa ósirilip jatyr. Jobanyń qýattylyǵy – gaktaryna 35 tsentner. 420 gektardyń 200 gektaryna bidai egilse, qalǵanyna arpa men jońyshqa ósirilgen. Atalǵan sharýashylyqta 25 adam jumyspen qamtylǵan. Oblys ákimi egistikti ártaraptandyrý, jańa tehnologiialardy qoldaný, sýdy únemdeý asa mańyzdy ekenine toqtalyp, óńirde aýyl sharýashylyǵyna qoldaý kórsetý jalǵasatynyn málimdedi.
Túrkistan oblysynda biyl aýyl sharýashylyǵy daqyldary 859,9 myń gektarǵa ornalastyrylyp, dala jumystary tolyǵymen aiaqtalǵan. Egis kólemi ótken jyldan 14,4 myń gektarǵa ulǵaidy.
