QR Premer-Ministri Asqar Mamin jumys saparymen Shyǵys Qazaqstan jáne Almaty oblystaryna baryp, iri infraqurylymdyq jobalar men memlekettik damý baǵdarlamalarynyń iske asyrylý barysyn tekserdi. Bul primeminister.kz saity habarlady.
Shyǵys Qazaqstan oblysynda Asqar Mamin «Óskemen – Taldyqorǵan» avtojolynyń qurylys barysyn tekserdi, osy jyldyń sońyna deiin trassany (jalpy uzyndyǵy 768 km) qoldanysqa berý josparlanyp otyr.
Sonymen qatar «Qalbataý – Maiqapshaǵai» tasjoly rekonstrýktsiialanyp jatyr, onda jyl sońyna qarai avtojoldyń barlyq 415 shaqyrymynda qozǵalys ashylady.
Almaty oblysynda Úkimet basshysyna uzyndyǵy 314 shaqyrym bolatyn «Óskemen – Taldyqorǵan» avtojolynyń shyǵys ýchaskesin rekonstrýktsiialaý jumystary, uzyndyǵy 180 shaqyrym bolatyn «Úsharal – Dostyq» avtojolyn salý jobasy týraly baiandaldy.
Premer-Ministr Shyǵys Qazaqstan jáne Almaty oblystarynyń joldary boiynsha qurylys jumystarynyń qarqynyn kúsheitýdi tapsyrdy. Sonymen qatar kólik infraqurylymynyń sapasyn qamtamasyz etý men ony biyl paidalanýǵa berýdiń mańyzdylyǵyn atap ótti.
Inspektsiialanǵan infraqurylymdyq jobalardy iske asyrý kólik salasyn damytý úshin qosymsha múmkindikter beredi. «Ortalyq – Ońtústik» baǵytyn tranzittik dáliz retinde tanytý qozǵalys qarqyndylyǵyn arttyrýǵa yqpal etedi jáne keleshekte ekonomika ósiminiń jańa kózi bola alady. Rekonstrýktsiia qozǵalys qaýipsizdigin arttyrady, eldi mekender men avtojoldarǵa irgeles jatqan aýmaqtardyń ekologiialyq jaǵdaiyn jaqsartady, sondai-aq jańa jumys oryndaryn qura otyryp, jol boiyndaǵy servisti damytýdy yntalandyrady.
Úkimet basshysy sapar aiasynda densaýlyq saqtaý, mádeniet jáne sport nysandarynyń jumysymen, sondai-aq Óskemen, Taldyqorǵan jáne Aiagóz qalalarynyń injenerlik jáne turǵyn úi infraqurylymynyń qurylysymen tanysty.
Buǵan qosa Almaty oblysy Kóksý aýdany Balpyq bi aýylyndaǵy sút-taýar fermasyna, «KEMONT» AQ elektr tehnikalyq jabdyqtaryn óndiretin QR iri kásipornyna, «Vostok-Moloko» korporatsiiasynyń sút zaýytyna, «Ost Fish» bekire tuqymdas balyqtardyń ýyldyryǵy men etin óndiretin kompaniiaǵa bardy.
