Osy jyldyń basynan balyq sharýashylyǵy sý qoimalaryna 45 mln-ǵa jýyq shabaq jiberildi. Bul týraly Ekologiia, geologiia jáne tabiǵi resýrstar ministrligi Balyq sharýashylyǵy komitetiniń tóraǵasy Nariman Júnisov aitty, dep habarlaidy QazAqparat.
«Jyl saiyn jas balyqtardyń sý aidyndaryn jasandy jolmen kóbeitý jáne balyqtandyrý boiynsha is-sharalar júzege asyrylady. Memlekettik tapsyrys aiasynda biyldyń basynan balyq sharýashylyǵy sý qoimalaryna 45 mln-ǵa jýyq shabaq ósirilip, jiberildi. Jyl sońyna deiin taǵy 29 mln dana shabaqty, onyń ishinde 7 mln dana bekire shabaǵyn jiberý josparlanǵan», - dedi Júnisov Ortalyq kommýnikatsiialar qyzmetinde.
Onyń aitýynsha, balyqtardyń mekendeýi men ýyldyryq shashýy úshin qolaily jaǵdailar jasaý jónindegi jumystar aiasynda 2018 jyldan bastap 2020 jylǵa deiin Jaiyq jáne Qiǵash ózenderinde balyq júretin kanaldarda sý túbin tereńdetý jumystary júrgizildi. Bul turǵyda osy ózenderde 2018 jylmen salystyrǵanda balyq aýlaý kólemin 30%-ǵa ulǵaitýǵa múmkindik berdi. Osyndai jumystardy kelesi jyldary da jalǵastyrý josparlanyp otyr.
