QR Bilim jáne ǵylym vitse-ministri Miras Dáýlenov tótenshe jaǵdaida stýdentterdiń emtihan men diplomdyq jumysty qalai tapsyratynyn túsindirdi, dep habarlaidy QazAqparat.
«Aralyq attestat degenimiz - birinshi, ekinshi jáne úshinshi kýrs nátijeleri boiynsha júrgiziletin synaqtar. Bul ekzamender mamyr aiynda júrgiziletindikten, oǵan deiin karantin aiaqtalýy múmkin. Al eger karantin sharalary toqtamasa, emtihandy qashyqtan tapsyrýǵa týra keledi. Qalalarda turatyn stýdentter synaqty qashyqtan tapsyrýy tiis. Al Interneti joq shalǵai eldimekenderde turatyn stýdentter arnaiy ótinishpen synaqty keiinge qaldyrady. Menińshe, stýdent úshin synaqty keiinge qaldyrý - eń durys sheshim», - dedi vitse-ministr Facebook jelisinde ótken onlain konferentsiiada.
Al qorytyndy attestatsiia - JOO túleginiń qandai nátijege qol jetkizgenin kórsetedi jáne bul memlekettik bilim berý standartynda negizdelgen saiasat. Qorytyndy attestatsiia eki bólimnen turady, onyń alǵashqysy - diplom jumysyn qorǵaý.
«Diplom jumysyn qorǵaýdy mindetti túrde qaldyramyz, sebebi qashyqtan oqytý rejimi 16 naýryzda engizildi. Al diplomdy aldyn ala qorǵaý jumystary aqpan, naýryz ailarynda ótti. Zańsyz iemdenýge qarsy kúrestiń eń iri úsh júiesi arqyly qorǵaýdyń jańa talaptaryn jazdyq. Iaǵni, stýdentter antiplagiat júiesine diplomdyq jumystaryn engizedi, al oqytýshylar men memlekettik komissiia músheleri olardy tekseredi. Eger stýdent antiplagiat júiesi arqyly ǵylymi jumysyn kórsetse, onlain tanystyrylym jasap, suraqtarǵa jaýap beredi jáne osylaisha diplomdyq jumysyn qorǵaidy», - deidi M. Dáýlenov.
Al eger stýdenttiń onlain qorǵap shyǵatyn múmkindigi bolmasa, suraqtar hat túrinde kez kelgen bailanys quraly arqyly jiberiledi.
«Keshendi ekzamenge kelsek, áriptester ony jazbasha túrde júrgizýdi usynyp otyr. Jinalysta barlyq JOO-lar estihandy ádil tapsyratyn júiemen qamtamasyz etetinin aitty. Menińshe, osy nusqa qolaily bolady. Qazirgi ýaqytta JOO-lardyń keshendi emtihan ótkizý formatyn túrlendirýge daiyn ekenin kórip otyrmyz. Bul jaǵdaida biz Bilim ministrligi retinde 2018 jyly berilgen akademiialyq erkindik pen akademiialyq saiasatqa júginýdi usynamyz. Árine, karantin rejimi jalǵassa, onlain-ekzamenge kóshýge týra keledi. Biraq munda stýdenttiń buǵan deiingi baǵalarynyń jiyntyǵyn qoldanýǵa da bolady», - dedi M. Dáýlenov.
Vitse-ministr baǵalaý quraly boiynsha sońǵy sheshimdi JOO qabyldaitynyn aitty.
«Odan bólek, qorytyndy attestatsiia men ekzamenderdi jazǵy maýsymǵa qaldyrý máselesi de nazarǵa alyndy. Bul máselede bizdiń taraptan esh shekteý joq. Iaǵni, ministrlik beretin memlekettik úlgidegi diplom barlyq JOO-ǵa beriledi. Al ony stýdentterge qashan beretinderińizdi ministrlik sheshpeidi. Buǵan qatysty joǵarǵy oqý oryndary stýdentter múddesin eskere otyryp, derbes sheshim qabyldaidy», - dedi Miras Dáýlenov.
