2021 jyldyń basynan beri 8, 8 myńnan astam etnikalyq qazaq qandas mártebesin aldy, dep habarlaidy "Ult aqparat".
2021 jylǵy 1 shildedegi jaǵdai boiynsha 8 867 adam tarihi otanyna oralyp, qandas mártebesin aldy. Jalpy, 1991 jyldan beri respýblikaǵa 1 million 79,2 myń etnikalyq qazaq oralǵan.
Osy jyldyń basynan bastap Qazaqstanǵa kelgen qandastardyń jartysynan astamy (75,5%) - Ózbekstannan, 10,4% - QHR-dan, 7% - Túrkimenstannan, 2,5% - Mońǵoliiadan jáne 4,5% - basqa elderden kelgender.
Kelgen etnikalyq qazaqtar negizinen Almaty (29,9%), Túrkistan (14,5%), Mańǵystaý (18,7%) jáne Jambyl (8,0%) oblystaryna, sondai-aq Shymkent (10,7%) qalasyna qonystandy.
1 shildedegi jaǵdai boiynsha eńbekke qabiletti jastaǵy etnikalyq qonys aýdarýshylar úlesi - 55,5%, eńbekke qabiletti jastan kishiler - 25,3% jáne zeinetkerler 19,2% quraidy.
Eńbekke qabiletti jastaǵy kandidattardyń ishinen bilim deńgeii boiynsha 10,9%-ynyń joǵary, 39,3%-ynyń orta kásibi, 45,9%-ynyń jalpy orta bilimi bar jáne 3,9%-ynyń bilimi joq.
