Úkimet otyrysynda shaǵyn jáne orta biznesti qoldaý sharalary talqylandy.
Jyl sońyna deiin shaǵyn jáne orta biznes ókillderine beriletin jeńildetilgen nesieniń kólemi 2,5 trln teńgege jetedi. Bul týraly Ulttyq ekonomika ministri Áset Erǵaliev Úkimet otyrysynda aitty.
«2020 jyldyń 3 toqsanynda ekonomikadaǵy shaǵyn jáne orta biznestiń úlesi 30,5 paiyzǵa jetti. Shaǵyn jáne orta biznes sýbektilerimen 2020 jyly 32,7 trln. teńgege ónim shyǵaryldy», - dedi vedomstvo basshysy.
Onyń sózine qaraǵanda, qazirgi tańda atalmysh sala 3,4 mln adamdy jumyspen qamtyp otyr. Ministr «Iskerlik ahýaldy jaqsartý boiynsha qabyldanǵan reformalar Qazaqstanǵa 2019 jyly Doing Business reitinginde 25 orynǵa kóterilýge múmkindik bergenin eske aldy.
«Pandemiia jaǵdaiynda jáne kásipkerler úshin jalǵasyp jatqan shekteýler kezeńinde shaǵyn jáne orta biznesti qoldaý erekshe ózekti bolyp otyr. Osyǵan bailanysty, aǵymdaǵy jyly Shaǵyn jáne orta biznesti jeńildikpen nesielendirý jumystary jalǵasýda. Osy jyldyń birinshi toqsanynda 663 mlrd. teńge somasyna 16 myńnan astam joba jeńildetilgen qarjylandyrý aldy. Jyl qorytyndysy boiynsha 2,5 trln teńgege jeńildetilgen nesiemen 47 myńnan astam joba qamtamasyz etiledi», - dedi Áset Erǵaliev.
