2021 jyldyń qańtar-qyrkúiek ailarynda memlekettik biýdjetke salyqtyq túsim boiynsha jospar 103,8%-ǵa oryndaldy. Jáne ótken jyldyń uqsas kezeńimen salystyrǵanda 30,8%-ǵa nemese 1 775,7 mlrd teńgege ósti, dep habarlaidy QazAqparat Kirister komitetine silteme jasap.
2020 jyldyń uqsas kezeńimen salystyrǵanda respýblikalyq biýdjetke eń kóp túsimderdiń ósýi munaiǵa salynatyn eksporttyq keden bajdarynan 352,5 mlrd teńgege nemese 1,9 ese, korporativti tabys salyǵy 390,8 mlrd teńgege nemese 44,9%-ǵa, EAEO elderinen importqa qosylǵan qun salyǵy 171,5 mlrd. teńgege nemese 36,6%-ǵa, úshinshi elderden importqa qosylǵan qun salyǵy 105,2 mlrd. teńgege nemese 22,7%-ǵa jáne paidaly qazbalardyń óndirisine salynatyn salyǵy 103,7 mlrd teńgege nemese 46,8%-ǵa óskeni baiqalady.
Túsimderdiń ósýine mynadai faktorlar áser etti.
«Ótken jyldyń uqsas kezeńimen salystyrǵanda aǵymdy jyldyń 9 aiynda negizgi eksporttyq pozitsiialarǵa baǵanyń ósýi baiqalady, onyń ishinde munaiǵa 64,5%-ǵa, mysqa 57,3%-ǵa, aliýminiige 44,2%-ǵa, myryshqa 34,0%-ǵa, kúmiske 33,8%-ǵa, qorǵasynǵa 19,7%-ǵa jáne altynǵa 3,8%-ǵa. $ baǵamy 1 teńgege 3,9%-ǵa ósti. Munaiǵa salynatyn áketý kedendik bajdary 24,3%-ǵa ósti
Úshinshi eldermen taýar ainalymy 2021 jyldyń qańtar-qyrkúiek ailarynda 8,2%-ǵa ósti.
2021 jyldyń 9 aiynda ótken jyldyń uqsas kezeńimen salystyrǵanda taýar ainalymy 28,7%-ǵa ósti.
Qosylǵan qun salyǵy túsiminiń 40% quraityn iri salyq tóleýshilerdiń taýar ainalymy 18,4%-ǵa ósti.
Kórsetilgen kezeńge bir salyq tóleýshige onlain baqylaý-kassa mashinasynan ortasha túsimi 11,8%-ǵa ósti.
