Qazaqstan musylmandary dini basqarmasy biylǵy Ramazan aiyndaǵy pitir sadaqasynyń mólsherin belgiledi dep habarlaidy "Ult Aqparat".
Pitir sadaqasynyń mólsheri - 640 teńge bolyp bekitildi.
2024 jylǵy pitir sadaqanyń baǵasy naryqtyq ortasha baǵasymen eseptelip bekitildi:
Bidai 2 kg – 341 teńge.
Un 2 kg – 640 teńge.
Arpa 4 kg – 701 teńge.
Meiiz 2 kg – 5745 teńge.
Qurma 4 kg – 8536 teńge.
Qazirgi tańda bidaidyń ózi emes, un, talqan sekildi onyń ónimderi keń qoldanylady. Sol sebepti Qazaqstan musylmandary dini basqarmasy pitir sadaqanyń qunyn unmen esepteýdi negizge alady. Óitkeni shariǵatta bidaimen qatar onyń ónimderimen de pitir sadaqa berýge ruqsat etiledi. Pitir sadaqany berýdiń ýájip ýaqyty aittyń birinshi kúni. Ony Ramazan aiynyń birinshi kúninen bastap berýge bolady. Ýaqytynda bere almaǵan jaǵdaida ait namazynan keiin berse de bolady. Osyǵan orai 2024 jylǵy Ramazan aiyndaǵy bir adam úshin beriletin pitir sadaqa mólsheri 2 keli unnyń naryqtyq ortasha baǵasymen eseptelip, 640 teńge etip belgilendi. Degenmen bai, aýqatty adamdar pitir sadaqany 2 keli meiizben (5745 teńge) nemese 4 keli qurmamen (8536 teńge) bergeni jaqsyraq. Al pidiia mólsheri – bir adamnyń kúndelikti (tańǵy jáne keshki) toiyp ishetin asy. Onyń biylǵy mólsheri 3400 (úsh myń tórt júz) teńge bolyp bekitildi. Buǵan shamasy kelmegender orazanyń ár kúnine pitir sadaqasynyń qunyn beredi, - delingen habarlmada.
