Elordada Bas múfti Naýryzbai qajy Taǵanulynyń tóraǵalyǵymen Qazaqstan musylmandary dini basqarmasynyń Tóralqa májilisi ótti, dep habarlaidy "Ult aqparat" muftyat.kz saityna silteme jasap.
Jiyndy ashqan QMDB Tóraǵasy Naýryzbai qajy Taǵanuly: «Sanaýly kúnderden soń qasietti Ramazan aiy bastalady. Musylman úmbeti úshin Ramazan – erekshe ai. Meiirim men keshirimge, saýapqa toly aidy ádettegidei óz deńgeiinde ótkizýdi Alla násip etsin! Osy aida meilinshe qaiyrymdylyq is-sharalardy kóbirek atqarýǵa shaqyramyn» dedi.
Tóralqa májilisinde naib múfti, Shariǵat jáne pátýa bóliminiń meńgerýshisi Sansyzbai Qurbanuly biyl qasietti Ramazan aiy 2 sáýirde bastalatynyn, Ózbekstan, Qyrǵyzstan musylmandary dini basqarmasymen keńesip, osyndai ortaq sheshim qabyldanǵanyn atap ótti.
Sondai-aq, Májiliste «Zeket jáne qaiyrymdylyq» qorynyń direktory Qanat Qydyrmin qasietti aida atqarylatyn qaiyrymdylyq is-sharalar týraly Bas múftige baiandady.
Aita ketsek, biyl Ramazan aiy 2 sáýirde bastalyp, 1 mamyrda aiaqtalady. Oraza 30 kún bolmaq. 2 mamyr – Oraza ait kúni. 27 sáýirden 28 sáýirge qaraǵan tún – Qadir túni.
