Foto: Akorda.kz
Búgingi Feisbýktyń basty taqyryby suhbat bolatyny sózsiz. Eldiń basty gazeti «Egemen Qazaqstanǵa» Prezident Qasym-Jomart Toqaevtyń keńeitilgen suhbaty jariialanǵan edi.
Uzaq posttardy, suhbattardy oqýǵa erinetinder úshin suhbattyń súbeli tustaryn arnaiy qysqartyp berip otyrmyn.
• Qasym-Jomart Toqaev prezidenttik ókilettilikti 7 jylmen shekteý týraly ideiany alǵash ret 15 jyl buryn aitqan.
• Memlekettik qyzmetshiler – bilimdi, bilikti, bastamashyl, tiianaqty, tártipti, arly jáne Ádiletti Qazaqstan ideiasyna adal azamattar bolýy shart.
• Qasiretti Qańtar – yqpaldy qaskói toptyń ekstremister, qylmystyq toptar men ásire dinshilderdiń kómegimen memlekettik tóńkeris jasamaq bolǵan talpynysynyń saldary. Olardyń maqsaty – eldiń irgesin shaiqap, bilikti basyp alý bolatyn.
• Qańtar oqiǵasy kezinde 3 myńnan asa avtomat, pýlemet, granatomet siiaqty atys qarýlary qoldy bolyp, ekonomikamyzǵa 3 milliard dollarǵa jýyq shyǵyn keldi. Jappai tártipsizdik kezinde arandap qalǵan 1095 azamatqa Prezidenttiń bastamasymen raqymshylyq jasaldy.
• Biyl Joshy ulysynyń 800-jyldyǵy atap ótiledi. Bul – qazaq memlekettiliginiń tereń tarihyn zerdeleýge baǵyttalǵan naqty qadam. Buǵan qosa, Prezident tapsyrmasymen ázirlengen Qazaqstan tarihynyń kóptomdyǵy jaryqqa shyǵady.
• 2024 jyly Qazaqstan Shanhai yntymaqtastyq uiymyna, Ujymdyq qaýipsizdik týraly shart uiymyna, Aziiadaǵy ózara is-qimyl jáne senim sharalary jónindegi keńeske, Túrki memleketteri uiymyna, Araldy qutqarý halyqaralyq qoryna, Azyq-túlik qaýipsizdigi jónindegi islam uiymyna tóraǵalyq etedi.
• Qazaq jerinde ótetin V Dúniejúzilik kóshpendiler oiyny ulttyq sporttyń mártebesin kóterip, Uly Daladaǵy kóshpendiler órkenietiniń nasihatyn kúsheitedi.
• Biyl aitýly qazaq ǵalymy Qanysh Sátbaevtyń 125-jyldyǵy, Halyq qaharmandary Saǵadat Nurmaǵambetov pen Raqymjan Qoshqarbaevtyń 100-jyldyǵy toilanady.
• AES salý-salmaý máselesine qatysty búkilhalyqtyq referendým ótkizý – «halyq únine qulaq asatyn memleket» tujyrymdamasy men Ádiletti Qazaqstan qaǵidattarynyń is júzinde oryndalýy.
• Áielder men balalarǵa jasalǵan zorlyq-zombylyqqa qatysty qylmystardy tergeýmen endi áiel tergeýshiler ainalysady.
• Prezident ulttyq biregeilikti aishyqtap, el birligin nyǵaita túsý úshin tól jańa jylymyz – Áz Naýryzdyń mazmunyn baiytyp, barynsha erekshelep, jańasha atap ótýdi usyndy.
Ońǵar Qabdenniń Facebook-taǵy jazbasynan
