Qazaqstanda óndiristegi jazataiym oqiǵalardan bolatyn ólim-jitim 9,3%-ǵa tómendedi. Bul týraly Eńbek ministrligi habarlady.
Eńbek jáne halyqty áleýmettik qorǵaý ministrligi Eńbek, áleýmettik qorǵaý jáne kóshi-qon komitetiniń derekteri boiynsha, aǵymdaǵy jyldyń birinshi jartyjyldyǵynda óndiristegi jazataiym oqiǵalardyń nátijesinde 691 qyzmetker zardap shekti, onyń 78-i kóz jumdy.
Osylaisha, óndiristik jaraqattaný deńgeii 2020 jyldyń uqsas kezeńimen salystyrǵanda 2,8% - ǵa ósti (ótken jyldyń 6 aiynda 672 adam zardap shekti). Bul rette óndiristik jaraqattanýdan qaza tabý jaǵdailary 9,3% - ǵa tómendedi (2020 jylǵy 6 aida óndiriste 86 adam qaza tapty).
Óndiristik jaraqattanýdyń joǵary deńgeii burynǵydai Qaraǵandy (139 adam zardap shekti), Shyǵys Qazaqstan (82 adam), Aqtóbe (56 adam), Pavlodar (54 adam), Qostanai (49 adam), Túrkistan (37 adam) oblystarynda jáne Almaty qalasynda (42 adam) saqtalýda.
Ekonomika salalary boiynsha zardap shekkenderdiń eń kóp sany taý-ken-metallýrgiia kesheniniń kásiporyndarynda – 134 adam (19,4%) jáne qurylys salasynda – 80 adam (11,6%) baiqalady.
