Biyl Ońtústik Qazaqstan oblysyndaǵy 101 eldi mekenniń 425 myńnan astam turǵyny sapaly elektr jaryǵyna qol jetkizetin bolady. Ol úshin biyl 59 elektr energiiasymen qamtamasyz etý nysanynda qurylys jumystary júrgizilýde. Bul maqsatqa oblystyq jáne respýblikalyq biýdjet esebinen 11,3 mlrd. teńge baǵyttalǵan.
Aita keteiik, búginde oblys boiynsha elektr qýatyna jalpy qajettilik ortasha 400 MVt saǵatty quraidy. Onyń 30 paiyzy ishki kózder esebinen óndirilse, 70 paiyzy elimizdiń soltústik óńirlerinen tasymaldanady. Aǵymdaǵy jyly Shymkent qalasynda "Bozaryq", "Astana 1,2" qosalqy stantsiialarynyń qurylysy aiaqtaý josparlanyp otyr. Nátijesinde qaladaǵy ónerkásip oryndary men 425 myń turǵyn sapaly elektr energiiasymen qamtamasyz etilmek.
Budan bólek, 7 qosalqy stantsiialardyń (Akjar, 1M1, 1M2, 2M1, 2M2, Novostroika 1, 2) qurylysyn aiaqtaý kózdelýde. Biyl sondai-aq Saryaǵash aýdanynda 220/100/10 kV "Qyzylásker" qosalqy stantsiiasynyń qurylysy bastaý almaq. Bul maqsatqa 7,8 mlrd. teńge baǵyttalatyn bolady. Eger joba tolyǵymen iske assa, Saryaǵash, Maqtaaral, Shardara aýdandaryndaǵy 705 myń turǵyn men aýylsharýashylyq nysandary, ónerkásip oryndaryn úzilissiz, sapaly elektr energiiasymen qamtamasyz etiledi. Iaǵni, Maqtaaral, Saryaǵash, Shardara aýdandary ekonomikasynyń ári qarai damýyna qosymsha 50 MVt elektr energiiasy paida bolady.
Sonymen qatar, Ordabasy, Otyrar aýdandary men Arys qalasynyń aýmaǵynda ornalasatyn kásiporyndar men 244 myń turǵyndy turaqty elektr energiiasymen qamtý maqsatynda "Badam" qosalqy stantsiiasynyń jobasy ázirlenýde. Atalǵan stantsiianyń qurylysy 2018 jyly bastalady.
Oblystyq Energetika jáne turǵyn-úi kommýnaldyq sharýashylyq basqarmasy málimetine sáikes 2018 jyly bastaý alatyn Tólebi aýdanyndaǵy «Alataý» qosalqy stantsiiasynyń qurylysyna 938,9 mln teńge bólinip otyr. 2017 jyly qýattylyǵy 3,5 MVt-ty quraityn Qazyǵurt jáne Sairam aýdandaryndaǵy 2 shaǵyn sý elektr stantsiialarynyń qurylysy aiaqtalyp, iske qosylady dep kútilýde.
Osy jobalardy iske asyrý arqyly elektr jelileriniń tozý deńgeiin 2017 jyly 55,7 paiyzdan 54,8 paiyzǵa, 2021 jyly 52,4 paiyzǵa tómendetý kózdelýde.
Buǵan qosa, aǵymdaǵy jyly Shymkent, Arys qalasy, Maqtaral, Qazyǵurt, Saryaǵash, Túlkibas, Tólebi, Báidibek aýdandarynda sapaly elektr qýatymen qamtamasyz etý maqsatynda jalpy 70 nysannyń jobalaý-smetalyq qujattary ázirlenýde. Sonymen qatar, «Ońtústik Qazaqstan oblysynyń elektr júieleriniń 2030 jyldarǵa deiin damý shemasy» ázirlenýde.
