Biyl oblystyq jáne aýdandyq mańyzy bar joldardy damytýǵa 76,6 mlrd teńge kózdelgen. Bul týraly Úkimet otyrysynda QR Indýstriia jáne infraqurylymdyq damý ministri Beibit Atamqulov aitty, dep habarlaidy QazAqparat.
«Jergilikti joldardyń jalpy uzyndyǵy 71 myń shaqyrymdy quraidy. Atqarylǵan jumystar esebinen ótken jyldary jergilikti joldardyń 75 paiyzy normativtik jaǵdaiǵa keltirildi. Biyl oblystyq jáne aýdandyq mańyzy bar joldardy damytýǵa 76,6 mlrd teńge kózdelip otyr», - dedi Beibit Atamqulov.
Onyń atap ótýinshe, bólingen qarajat esebinen jol jóndeý jumystarynyń barlyq túrimen 1,3 myń shaqyrym qamtylady.
«2025 jylǵa deiin 27 myń shaqyrym joldy barlyq jumys túrimen qamtý kózdelgen. Jalpy joldyń 95 paiyzyn normativtik jaǵdaiǵa jetkizý josparlanyp otyr. Osylaisha, 3 myńnan astam aýyldy kirme joldarmen qamtamasyz etemiz», - dedi ministr.
