Elordanyń eldi mekenderinde eki dene shynyqtyrý-saýyqtyrý kesheniniń qurylysy bastaldy, dep habarlaidy "Ult aqparat" qala ákimdiginiń resmi saityna silteme jasap.
Jaqyn arada taǵy eki nysan boiynsha jumystar bastalady. Olar ártúrli aýdandarda ornalasady.
Elorda ákimi Altai Kólginov qurylys jumystarynyń barysymen tanysty. Dene shynyqtyrý-saýyqtyrý kesheninde sportpen ainalysýǵa arnalǵan kabinetterden basqa, poshta bólimshesi, politsiia pýnkti, egde jastaǵy turǵyndarǵa arnalǵan klýb, HQO, kitaphana jáne basqa nysandar bolady.
Nysandy tapsyrý merzimi - 2021 jyl. Eldi mekenderde jol jumystary júrip jatyr. Biyl jalpy uzyndyǵy 100 shaqyrymdy quraityn 150 kóshe jóndeledi.
«Jumyspen qamtýdyń jol kartasy» baǵdarlamasy aiasynda 1,5 myń jumys orny qurylady, barlyǵy - 15 myń jumys orny paida bolady. Jumys izdep júrgen azamattar jumyspen qamtý ortalyqtary arqyly jumyspen qamtamasyz etiledi.
Sonymen birge eldi mekenderde gaz taratý jelileriniń qurylysy bastaldy. Magistraldyq gaz qubyrynyń montajy aiaqtalý satysynda.
Jeleznodorojnyi eldi mekeninde gaz taratý jelileriniń úshten biri salyndy. Bul jumystar Kóktal-1, Kóktal-2 jáne Agrogorodok eldi mekenderinde de júrgizilip jatyr.
Barlyq jumys kestege sai júrip jatyr. Ónerkásiptik sektor men eldi mekenderdi gazdandyrý 3 kezeńde ótedi.
Kelesi jylytý maýsymynda Kóktal-1, Kóktal-2, Agrogorodok, Promyshlennyi, Jeleznodorojnyi eldi mekenderi gazben qamtamasyz etiledi.
