«Nur Otan»-da partiianyń «Ózgeris joly: Ár azamatqa laiyqty ómir» sailaýaldy baǵdarlamasyndaǵy buqaralyq jáne balalar men jasóspirimder sportyn damytý bóliginiń júzege asyrylýy týraly aityldy, dep habarlaidy "Ult aqparat" partiianyń baspasóz qyzmetine silteme jasap.
Partiianyń baspasóz qyzmeti habarlaǵandai, buǵan deiin kásibi sport klýbtaryn ustaýǵa baǵyttalǵan qarjy halyqty, eń aldymen balalardy dene shynyqtyrý jáne buqaralyq sportpen ainalysýǵa tartýǵa baǵyttalady.
«Elbasy, Partiia lideri Nursultan Nazarbaevtyń tapsyrmasy boiynsha qabyldanǵan sailaýaldy ýádelerdi oryndaý jónindegi Jol kartasy aiasynda bul máselege basa berildi. Memleket basshysy Qasym-Jomart Toqaev Tokioda ótken Olimpiada qorytyndysy boiynsha otandyq sportqa shuǵyl ári tiimdi reformalar júrgizý qajettigin aita kele, buqaralyq jáne balalar sportyn damytýdyń mańyzdylyǵyna erekshe nazar aýdardy», - delingen habarlamada.
Sonymen, balalar men jasóspirim jáne balalar men jastar klýbynyń sany elimizdiń barlyq tirek aýylyn qamti otyryp, myńǵa deiin ulǵaitylady. Jattyqtyrýshy-ustazdardyń jalaqysy biyldyń ózinde 1,5 esege, al 2023 jylǵa qarai 2 esege ósedi. Dene shynyqtyrý muǵalimderine mektepte sport sektsiiasyn uiymdastyrǵany jáne júrgizgeni úshin negizgi bazalyq laýazymdyq jalaqysynan 100% mólsherinde qosymsha aqy qosylady.
Osy jyldyń ózinde barlyq iri aýdan ortalyǵynda 127 myń sport sektsiiasyn ashý josparlanǵan. 22 myńnan astam balalar úiirmesiniń jumysy qaita jandanady. Árbir aýyldyq okrýgte biyldyń ózinde 3 myń sport nusqaýshysy laýazymyn engizý kózdelip otyr.
Óńirlerde sporttyq infraqurylymdy damytýǵa erekshe kóńil bólinedi. Mysaly, Qostanai oblysynyń Lisakov qalasynda alǵash ret jalpy aýdany 2 myń sharshy metrden asatyn tennis ortalyǵy ashyldy. Almaty oblysyndaǵy Raiymbek aýdanynyń Narynqol jáne Balqash aýdanynyń Baqanas aýyldarynda árqaisysy 180 oryndyq eki dene shynyqtyrý-saýyqtyrý kesheni paidalanýǵa berildi.
Ulttyq sport túrlerin damytýǵa da jańa serpin beriledi. «Nur Otan» at sporty túrlerin (báige, kókpar, aýdaryspaq, teńge ilý, jamby atý), sondai-aq qazaqsha kúres, qusbegilik, sadaq atý, toǵyzqumalaq, asyq atý, arqan tartý jáne basqa da sporttyq baǵyttardy qoldaýdy jalǵastyrady. Biyldyń ózinde olar dene shynyqtyrý pánindegi sabaqtyń mindetti komponenti retinde engiziledi.
